ID 2371 Prosjektleiar nettverkskoordinator - Tildelingskontoret

Vil du vera med å utvikla eit råd for samarbeid og involvering mellom pasientar, pårørande og kommunen?

Stord kommune startar no opp eit spennande prosjekt for å styrka samhandlinga mellom helsetenestene og brukarane sitt nettverk. Målet er å mobilisera breiare og skapa eit meir heilskapleg og berekraftig støtteapparat rundt pasientar og pårørande. Mange pårørande står i ein krevjande kvardag - og me trur at ingen kan gjera alt, men alle kan gjera noko.

Stord kommune søkjer prosjektleiar i 100% som Nettverkskoordinator for <<Råd for involvering og samarbeid>>, frå snarast og ut 2027.

Stillinga er organisatorisk knytt til Tildelingskontoret

Om stillinga:

Me søkjer ein engasjert og utviklingsorientert prosjektleiar som vil vera med å utvikla, gjennomføra og koordinera ein modell for <<Råd for involvering og samarbeid>>. Du vil få ansvar for å etablera ein systematisk metodikk for samarbeid mellom helsetenestene, pasientar, pårørande og deira nettverk -- med mål om å skapa eit forventningsavklart og forutsigbart samarbeid. Du vil få oppgåver på både operativt og system nivå.

Arbeidsoppgåver:

· Utvikling og koordinering av metodikk for involvering og samarbeid

· Etablering og drift av <<Råd for involvering og samarbeid>>

· Samarbeid med ulike aktørar i helsetenestene og brukarane sitt nettverk

· Strategisk og operative oppgåver

· Forvaltningsoppgåver

Kvalifikasjonar:

· Høgskuleutdanning, fortrinnsvis innan helse- og sosialfag

· Andre med helseutdanning er også velkommen til å søkja

· Erfaring med prosjektleiing og utviklingsarbeid er ei føremon

· Leiarerfaring og leiareigenskapar

· Erfaring med og resultat gjennom å nytta metoden "motiverande intervju" er relevant.

Personlege eigenskapar:

· Gode samarbeidsevner og evne til å jobba tverrfagleg

· Interesse for brukar- og pårørandeperspektivet i helsetenestene

· Gode kommunikasjonsevner

· Du må vera fleksibel, løysing- og resultatorientert

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentlig tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

For nærare opplysningar ta kontakt med:

Kontaktperson: Einingsleiar Nina Steinsbø Walquist, tlf. 53 49 69 01/975 52 048