Spesialkonsulent

To studiekoordinatorstillingar

Med om lag 1900 studentar er Fagskulen Vestland ein av dei største fagskulane i landet. Fagskulen utdannar mellom anna morgondagens prosjektleiarar og mellomleiarar. Fagskulen Vestland har åtte studiestadar frå Måløy i nord til Stord i sør. Vi er om lag 200 tilsette.

Fagskuleutdanning er ei høgare yrkesfagleg utdanning som byggjer på vidaregåande opplæring eller tilsvarande realkompetanse. Vi samarbeider tett med arbeidslivet i Vestland om å utvikle framtidsretta utdanningar, både studium som strekk seg over fleire år og kortare utdanningar. Fagskuleutdanninga har høg arbeidsrelevans og våre uteksaminerte studentar er attraktive i arbeidsmarknaden.  Utdanninga gir studentane ein kombinert praktisk og teoretisk kompetanse som kvalifiserer til stillingar som krev både teknisk innsikt og leiarkompetanse.

Om stillinga

Fagskulen Vestland søker etter to nye medarbeidarar i 100 % mellombels stilling (2 år) som studiekoordinatorar ved studiestadene i Bergen. Vi ser etter deg som har studieadministrativ erfaring, og som arbeidar sjølvstendig og systematisk med oppgåvene. Personane som blir tilsett skal gje administrativ støtte til utdanningsleiarar knytt til drift av utdanningane, og bidra til god kvalitet i oppfølging av studentane. Stillingane er ein del av administrasjonen med 12 medarbeidarar.

Administrasjonsspråket i Vestland fylkeskommune er nynorsk.

   

Arbeidsoppgåver

• Administrativt arbeid knytt til skoleårsplanlegging, vurdering (eksamen), revidering av studieplanar med vidare
• Sakshandsaming og klagehandsaming knytt til forberedelse og gjennomføring av vurdering
• Rettleiing av studentar i studiekvardagen
• Bidra til evaluering og kvalitetsutvikling av studietilbod
• Opptak
• Handsame søknader knytt til studentane sitt studieløp
• Andre oppgåver kan bli lagt til stillinga

Kvalifikasjonar

• 3-årig høgare relevant utdanning på universitets- og høgskulenivå (lang og relevant arbeidserfaring kan kompensere for manglande formell utdanning)
• Relevant arbeidserfaring
• Kjennskap til studentadministrative system, LMS og liknande er ein føremon
• Gode IKT kunnskapar
• God skriftleg framstillingsevne 

Personlege eigenskapar

• Har gode samarbeidsevner
• Er initiativrik og sjølvstendig
• Trivst med utfordringar
• Nøyaktig og systematisk

Vi tilbyr

• Eit triveleg og godt arbeidsmiljø
• Gode offentlege pensjons- og forsikringsvilkår
• Løn og lønsutvikling i tråd med Vestland fylkeskommune sin lønspolitikk
  
  

 

Kontaktinformasjon

Hege Aarethun, Administrasjonsleiar, +47 99509287, hege.aarethun@vlfk.no

Arbeidsstad

Haugeveien 28
5005 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5023949951
Stillingsprosent: 100%
Anna
Søknadsfrist: 19.10.2025