Helsefagarbeidar/omsorgsarbeidar ved heimesjukepleia i Lom

Vil du vere med og gjere ein forskjell -- kvar dag?

I heimesjukepleia i Lom kommune er ingen dagar heilt like. Her møter du menneske i ulike livssituasjonar, byggjer gode relasjonar og bidreg til at innbyggjarane våre kan bu trygt og godt heime så lenge som mogleg. Søknadsfrist: 16.08.2026

Nå har vi ledig 100 % fast stilling som helsefagarbeidar/omsorgsarbeidar, og vi håpar du har lyst til å bli ein del av laget vårt.

Hjå oss blir du del av eit inkluderande fagmiljø med engasjerte kollegaer. Vi samarbeider tett på tvers av tenestene og er opptekne av å utvikle gode og heilskaplege helse- og omsorgstenester.

Dette blir nokre av arbeidsoppgåvene dine

• Gi pleie, behandling og oppfølging til brukarar i eigen heim.

• Bidra til at brukarane opplever trygge, heilskaplege og gode tenester.

• Samarbeide med pårørande, kollegaer og andre faggrupper.

• Dokumentere og planleggje arbeidet i Profil og Mobil Omsorg.

• Ta i bruk og bidra til vidare utvikling av velferdsteknologiske løysingar.

• Delta i kvalitets- og forbetringsarbeid og vere med på å utvikle tenesta.

Vi ser etter deg som

• Er autorisert helsefagarbeidar eller omsorgsarbeidar.

• Er trygg, fleksibel og tek ansvar.

• Likar å arbeide både sjølvstendig og saman med andre.

• Er løysingsorientert og trivst i ein variert arbeidskvardag.

• Kommuniserer godt med brukarar, pårørande og kollegaer.

• Er fagleg engasjert og ynskjer å utvikle både deg sjølv og tenesta.

• Bidreg til eit godt arbeidsmiljø.

Kvalifikasjonar

• Offentleg godkjent helsefagarbeidar eller omsorgsarbeidar.

• Erfaring frå liknande arbeid er ein fordel, men ikkje eit krav.

• Gode norskkunnskapar, både munnleg og skriftleg.

• Førarkort klasse B.

• Gyldig politiattest.

Personlege eigenskapar blir lagde stor vekt på.

Kvifor velje oss?

Hjå oss får du meir enn ein jobb -- du blir del av eit fagmiljø der vi tek vare på kvarandre og jobbar saman for å gi innbyggjarane best mogleg tenester.

Vi tilbyr:

• 100 % fast stilling med oppstart etter avtale.

• Ein variert og meiningsfull arbeidskvardag.

• Eit godt arbeidsmiljø med dyktige og engasjerte kollegaer.

• Gode moglegheiter for fagleg utvikling og kompetanseheving.

• Fagmøtetid i turnus.

• Tett samarbeid på tvers av fagområde og tenester.

• Moglegheit til å påverke utviklinga av framtidas helse- og omsorgstenester i Lom kommune.

• Turnus med dag-, kveld- og nattevakter, og for tida arbeid kvar tredje helg.

• Løn etter avtale og gode kommunale tilsetjingsvilkår.

Andre opplysningar

Ved interne opprykk kan det bli ledige stillingar i andre stillingsbrøkar. Tilsetting til desse kan bli gjort blant søkjarane til denne utlysinga.

Aktuelle søkjarar vil bli kalla inn til intervju. Namn på søkjarar vil bli gjort offentleg i samsvar med gjeldande regelverk.

Det er krav om godkjend politiattest ved tilsetting.