Fast 100 % stilling som styrar i Søre Grindstugu barnehage

Vågå kommune har to kommunale og ein privat barnehage, og vi søkjer ein engasjert og utviklingsorientert styrar som ønskjer å leie og vidareutvikle vår kommunale sentrumsbarnehage, Søre Grindstugu. Er det deg?

Som styrar vil du ha det overordna ansvaret for barnehagens pedagogiske, administrative og økonomiske drift, personalansvar, og dessutan bidra til eit godt og inkluderande arbeidsmiljø for tilsette, barn og føresette.

Vi har eit førebyggjande og tverrfagleg fokus, og alle tilsette på tvers av barnehagar, skular, PPT, helsestasjon og barnevernstenesta jobbar saman i laget rundt barn og unge.

Saman med UH-miljøet og samarbeidskommunar deltek Vågå i regionalt utviklingsarbeid. Dette bidreg til fagleg utvikling, systematisk, målretta og kontinuerleg arbeid for å gi gode tenester til barn og unge. Me har endringsvilje og er i jamn utvikling - med barna og unges beste i fokus.

Personalgruppa du vil leie består av kompetente og engasjerte medarbeidarar. I tillegg vil du bli ein del av ei dyktig leiargruppe, både i Vågå kommune som organisasjon men også innanfor oppvekstsektoren. Her vil du oppleve godt samhald og støtte, og få ein arena for læring og utvikling av tenesta og deg sjølv som leiar.

Arbeidsoppgåver

• Overordna leiaransvar for barnehagedrifta og utvikling.

• Personalansvar, inkludert oppfølging, rettleiing og kompetanseutvikling av tilsette.

• Ansvar for budsjett, økonomistyring og ressursforvaltning.

• Leie og koordinere utviklingsarbeid i tråd med gjeldande lovverk, rammeplan og lokale målsettingar.

• Sikre høg kvalitet i det pedagogiske arbeidet.

• Bygge gode relasjonar og samarbeid med barn, føresette og eksterne samarbeidspartnarar.

• Samarbeide tett med styrar og tilsette i tilknytt barnehage for å utvikla felles praksis, dele kompetanse og utnytte ressursar på tvers av verksemdene.

• Bidra til eit trygt, inkluderande og utviklande læringsmiljø for barn og tilsette.

Kvalifikasjonar

• Godkjent barnehagelærarutdanning eller anna relevant pedagogisk utdanning i samsvar med krav i barnehagelova.

• Leiarerfaring er ønskjeleg.

• God kunnskap om økonomistyring og personalleiing.

• God kjennskap til barnehagelova, rammeplanen og relevant regelverk.

• Gode kommunikasjons- og samarbeidsevner.

Personlege eigenskapar

• Tydeleg og inspirerande leiar.

• Strategisk og utviklingsorientert.

• Strukturert og vedtaksfør.

• Relasjonssterk og inkluderande.

• Evne til å motivere medarbeidarar og skape engasjement rundt utviklingsarbeid.

Vi tilbyr

• Ei spennande og meiningsfull leiarstilling.

• Moglegheit til å påverka og vidareutvikle barnehagetilbodet.

• Samarbeid med dyktige kollegaer og leiarar i andre barnehagar og i oppvekstsektoren.

• Faglege utviklingsmoglegheiter og støtte i leiarrolla.

• Lønn og arbeidsvilkår etter avtale.

Vi er på jakt etter ein leiar som kombinerer god økonomisk forståing med eit sterkt pedagogisk engasjement, og som ønskjer å utvikla barnehagen i tett samarbeid med tilsette, føresette og samarbeidande barnehagar.