Dagleg leiar Mila aktivitetssenter

Vil du vere med å vidareutvikle Mila aktivitetssenter? Nissedal kommune søker etter engasjert og målretta dagleg leiar i 70 % fast stilling. Stillinga er ledig frå 15. desember 2025. 

Mila aktivitetssenter er ein inkluderande og kreativ møteplass for menneske med ulike behov, der aktivitet, fellesskap og meistring står i sentrum. Aktivitetssenteret ligg i Treungen og er ein del av Nissedal kommune si velferdsteneste. Som dagleg leiar får du ei nøkkelrolle i å vidareutvikle eit tilbod som gir brukarar av huset ein meiningsfull kvardag gjennom arbeid, sosialt samvær og tilpassa aktivitetar.

Hovudbrukargruppa ved Mila er bebuarar ved Kåsa bu- og avlastning. Du vil samarbeide tett med både brukarar, pårørande og fagpersonar for å sikre eit godt og heilskapleg tilbod. Mila har og eit lågterskeltilbod innanfor psykisk helse annakvar veke. 

Det vil vere mogleg å auke stillinga opp mot 100 % ved å ta ei helg på Kåsa bu og avlastning. 

Arbeidsoppgåver

• Dagleg drift av Mila aktivitetssenter
• Leie og vidareutvikle Mila
• Tilrettelegge og gjennomføre aktivitetar i samarbeid med brukarar og kollegaar
• Samarbeide tett med Kåsa bu og avlastning, samt andre relevante tenester i kommunen

Kvalifikasjonar

• Høgskuleutdanna innan helse og sosialfag. 
• Anna relevant utdanning og/ eller erfaring vil også bil vurdert, f.eks. aktivitør.
• Ønskeleg med vidareutdanning i miljøarbeid eller psykisk helse

Personlege eigenskapar

• Gode samarbeidsevner
• Sjølvstendig
• Strukturert
• Fleksibel
• God relasjonskompetanse
• Interesse for målgruppa
• Kreativ og evne til å tenke nytt
• IKT-ferdighetar
  
  
• Personleg eignaheit vil bli lagt vekt på

Vi tilbyr

• Ei meiningsfull og variert stilling 
• Moglegheit til å påverke og vidareutvikle eit viktig tilbod i kommunen
• Tett samarbeid med kollegaar i tenesta. 
• 10 års inngangsansiennitet for høgskulepersonell
• Ekstra lønnsstige på 22 års ansiennitet

 

Anna:

• Tilsetjingsvilkår etter gjeldande lov, tariffavtale og kommunen sitt reglement
• Ved tilsetjing blir det stilt krav om politiattest
• Me gjer merksam på at namn på søkjarar kan bli offentleggjort i høve til offentleglova § 25
• Kopi av vitnemål og attestar skal leverast i samband med intervjuet
  

Kontaktinformasjon

Hild Riseth Fjone, Avdelingsleiar helse

Arbeidsstad

Treungvegen 398
3855 Treungen

Nøkkelinformasjon:

Arbeidsgivar: Nissedal kommune

Referansenr.: 5007771214
Stillingsprosent: 70%
Fast
Søknadsfrist: 16.10.2025