Vitskapleg assistent

Ved Høgskulen på Vestlandet (HVL) er det ledig ei åremålsstilling i 50% som vitskapleg assistent ved Fakultet for lærarutdanning, kultur og idrett.

Om stillinga:

Den vitskaplege assistenten vil primært arbeide i videoprosjektet Praksisglimt, men vil og gjennomføre nokre oppgåver i forskingsprosjektet SEMPER.

I videoprosjektet Praksisglimt legg vi til rette for auka kvalitet i lærarutdanningane samt for praksisnær forsking gjennom å samle inn videoopptak frå aktivitetar i skular/barnehagar. Videoopptaka legg grunnlag for forskingsbasert undervisning som også er tett kopla til praksis, samt forsking på praksis i både barnehagar og skular. Den vitskaplege assistenten vil jobbe nært på praksis, ved å kontakte skular/barnehagar for å avtale besøk og gi informasjon, samt besøke dei for å gjennomføre filming. Vidare vil assistenten arbeide med å behandle og redigere videomaterialet for vidare bruk innan undervisning og forsking. Det er og planar om følgjeforsking i prosjektet, der den vitskaplege assistenten til dømes vil jobbe med organisering av spørjeskjema og/eller gjennomføring av intervju, samt organisering og enkel analyse av den innsamla dataen. Assistenten vil inngå i eit aktivt forskingsmiljø på tvers av fagdisiplinar knytt til lærarutdanningane, der moglegheiter for fagleg samarbeid og arbeid mot publikasjonar tilknytt prosjektet inngår i stillinga.

Forskingsprosjektet SEMPER er eit NFR-støtta prosjekt med fokus på korleis lærarar best kan støtte elevar sine meistringsforventningar i matematikk. I prosjektet har vi mellom anna samla inn videodata frå klasseromsundervisning. Den vitskaplege assistenten vil arbeide med å skåre videodata gjennom bruk av ein protokoll for systematisk observasjon, CLASS, i tillegg til ein ny, intern, protokoll. Opplæring vil bli gitt. Assistenten vil gjennomføre eit CLASS sertifiseringskurs, og må bestå reliabilitetstestar for observasjonsskåring. Den vitskaplege assistenten vil soleis tileigne seg kompetanse i observasjon inkludert kurs i CLASS som er svært relevant for seinare arbeid som lærar eller i andre stillingar i praksisfeltet som har med profesjonell vidareutvikling av lærarar å gjere.

Ein prosentstilling vil kunne kombinerast med ein prosentstilling i skule eller barnehage.

Det vil bli gitt opplæring, til dømes i bruk av videoutstyr og enkel redigering, samt bruk av systematiske protokoller for skåring av videodata.

Det er ønskeleg med tiltreding 01.11.2025, eller etter avtale. Tilsettingsperiode er ca. 1 år.

Arbeidsstad er campus Sogndal. Ein meir fleksibel arbeidsstad kan vurderast for den rette kandidaten og dersom søkjar ønskjer det.

Stillinga inngår i Institutt for pedagogikk, religion og samfunnsfag, campus Sogndal.

Ansvars- og arbeidsoppgåver:

Stillinga har følgjande ansvars- og arbeidsoppgåver:

I stillinga vil du filme interaksjonar i skular og barnehagar (for Praksisglimt), og jobbe med å behandle og skåre videodatamateriale (for SEMPER og Praksisglimt). Inkludert i stillinga vil vere jamnleg kontakt med praksisfeltet for å gjere avtalar om filming og informere om prosjektet.

Som vitskapleg assistent vil du:

• Kontakte skular og barnehagar for gjere avtalar om besøk og filming (andre medarbeidarar i prosjektet vil komme med forslag)
• Besøke skular og barnehagar og gjennomføre filming i klasserom /av aktivitetar
• Arbeide med innsamla videodata (katalogisere, overføre, redigere og skåre videomateriale)
• Arbeide med følgjeforsking, til dømes planlegging og innsamling av spørjeskjemadata og/eller gjennomføring av intervju
• Arbeide med formidling, nettsider og anna organisering som er sentralt for å styrke prosjekta
• Ved interesse vil det i tillegg vere det mogleg å jobbe med dataanalyse og sampublisering av vitskapleg artikkel.

Kvalifikasjonskrav:

Formell utdanning og kompetanse:

Mastergrad innan relevant fag, til dømes pedagogiske fag, psykologi, eller andre samfunnsvitskaplege fag som er relevante for stillinga.
 

• Politiattest
• God IT-kompetanse
• Flytande skriftleg og munnleg norsk er eit krav

 

Følgjande tel positivt i vurderinga:

• Erfaring frå praksisfeltet (til dømes arbeid i skular eller barnehagar)
• Erfaring med videofilming og redigering
• Erfaring med systematisk observasjon
• Erfaring med databehandling (til dømes Excel, SPSS eller andre databehandlingsverktøy)
• Erfaring frå forskingsarbeid
• Erfaring med transkripsjonsarbeid og/eller oversetting til engelsk
• God kompetanse i engelsk

 

Personlege eigenskapar:

• Gode samarbeids- og kommunikasjonsevner
• Særs gode organisatoriske evner
• Evne til å arbeide sjølvstendig, ta initiativ og vere fleksibel og løysingsorientert, og også samarbeide godt med andre
• Høg etisk medvit er påkravd

 

Stillingskategorien vitskapeleg assistent er regulert av Forskrift til universitets- og høyskoleloven § 3-21.

I forskrifta står det mellom anna at "Personer som har vært ansatt som stipendiat eller har oppnådd doktorgrad kan ikke ansettes som vitenskapelig assistent".

Korleis søkje på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen,  irekna:

• vitnemål
• attestar

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søkjarar kan ikkje sende søknadar på e-post til enkeltpersonar ved høgskulen. 

Vi tilbyr:

• Gode pensjons- og forsikringsordningar i Statens pensjonskasse
• Spanande fagmiljø med moglegheit for kompetanseheving - og utvikling
• Høve for trening i arbeidstida

Stillingen som vitenskaplig assistent lønnes i stillingskode 1020. 

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktperson ved Høgskulen på Vestlandet er:

Førsteamanuensis Karin Street

Tlf.: 57 67 61 58

E-post: karin.street@hvl.no

Inkludere, utfordre og samhandle

Les meir på våre heimesider.