Rådgivar opplæring i bedrift

Vil du bidra til å utvikle morgondagens fagarbeidarar?

Vi ser etter deg som er flink med folk og samtidig god til å tenke nytt og utvikle nye løysingar. Hos oss får du ei stilling som både kan vere utviklande og meiningsfull, både for deg og for samfunnet rundt oss: Du vil bidra til at ungdom og vaksne får gjennomført fagopplæring i bedrift, og til at arbeidslivet får den kompetansen dei treng, no og i framtida.

Arbeidsoppgåver

Fagopplæringssystemet er i endring der fullføringsreformen og store statlege satsingar på yrkesfag vil gi ei spanande utvikling framover. Vi treng deg som kan finne nye arbeidsmetodar og løysingar for å arbeide smartare og løyse samfunnsoppdraget vårt. 

Du vil arbeide med å vidareutvikle nettverk og samarbeid med skole og arbeidsliv, slik at du kan hjelpe oss med å bidra til at fleire gjennomfører vidaregåande opplæring. Ein viktig del av dette er å rettleie lærlingar, lærebedrifter og prøvenemnder, både i saksbehandling av enkeltsaker og i gjennomføring av kurs og samlingar.

Oppgåvene i stillinga kan bli endra.

Kvalifikasjonar

• relevant høgare utdanning, helst master
• relevant erfaring, helst frå vidaregåande opplæring og/eller frå næringslivet i Møre og Romsdal
• gjerne erfaring frå prosessarbeid eller prosjektutvikling
• god skriftleg og munnleg formidlingsevne på norsk

Personlege eigenskapar

• er god på å kommunisere og skape relasjonar
• kan samarbeide for å oppnå resultat
• kan ta i bruk nye metodar og drive prosessar framover
• tek initiativ og arbeider sjølvstendig, systematisk og målretta
• er komfortabel med å representere eksternt og halde presentasjonar/foredrag

Vi tilbyr

Vi kan tilby deg meiningsfullt arbeid, der du får bidra til at fleire ungdommar og vaksne får fullført utdanning på ein god måte. Du får arbeide saman med våre engasjerte kollegaer i eit sterkt fagmiljø med rom for nytenking. Du kan i stor grad planlegge eigen arbeidskvardag, og vi gir deg moglegheit for kompetanseutvikling.

Som ein del av oss får du offentleg pensjonsordning og gode forsikringsvilkår gjennom medlemskap i KLP, og løn etter avtale.

Kontorstad er i Molde. 

Kontaktinformasjon

Hilde Aspås, næringssjef, 97715135, hilde.aspaas@mrfylke.no
Målfrid Nesje, rådgivar opplæring i bedrift, 90640200, malfrid.nesje@mrfylke.no

Arbeidsstad

Julsundvegen 9
6412 Molde

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5006761034
Stillingsprosent: 100%
Fast
Søknadsfrist: 21.09.2025