Hopp til innhold

Fagsjukepleiar

Arbeidsgiver

Sunnylven og Geiranger distrikt, Stranda kommune

Sted

Hellesyltvegen 17, 6218 Hellesylt

Om jobben

Stillingstittel
Fagsjukepleiar - Sunnylven distrikt
Type ansettelse
Fast, heltid 100%
Antall stillinger
1
Arbeidsspråk
Norsk

Søk på jobben

Søk senest søndag 6. desember

I Sunnylven distrikt er det 23 omsorgsbustadar og i Geiranger distrikt er det 9 omsorgsbustadar. Det blir gitt heimesjukepleie, praktisk bistand og matombering til bebuarane på omsorgsbustadane, i tillegg til eit varierande antal heimebuande. 

Vil du vere med å styrkje fagkompetansen og kvaliteten i helse- og omsorgstenestene? 

Vi har ledig nyoppretta 100% fast stilling som fagsjukepleiar frå 01.03.2027

Vi søkjer ein engasjert og fagleg sterk sjukepleiar som ønskjer å bidra til kvalitetsutvikling, kompetanseheving og kunnskapsbasert praksis i tenesta. 
Som fagsjukepleiar vil du vere ein viktig fagleg ressurs for medarbeidarar og avdelingsleiar. Du vil kombinere klinisk arbeid med fagutvikling, undervisning og rettleiing, og bidra til at tenesta utviklar seg i takt med framtidige behov. 

Arbeidstid etter den til ei kvar tid gjeldande turnus. 

Arbeidsstad vil vere i Sunnylven distrikt, men ein må pårekne å reise til Geiranger distrikt ved behov.

Kvifor velge oss:
  • Vi vil gjere ein forskjell i brukarane sin kvardag.
  • Vi vektlegg fagleg tryggleik og kvalitet
  • Eit inkluderande og godt arbeidsmiljø med erfarne og engasjerte tilsette 
  • God variasjon i oppgåver og utfordringar
  • Fokus på trivsel og arbeidsglede
  • Moglegheit for utvikling og fagleg påverknad
  • Fokus på kompetanseheving og oppgåvedeling
  • Muligheit for vidareutdanning med støtte
  • Ved rekrutteringsutfordringar vil det bli vurdert om arb.gjevar skal dekke utgifter til husleige (helt eller delvis) for ein tidsavgrensa periode
  • Bruk av tilleggsansiennitet kan også bli vurdert som eit rekrutteringstiltak
  • God fastløn
  • Gode pensjons- og forsikringsordningar 


Arbeidsoppgåver

Klinisk arbeid

  • Utføre ordinære sjukepleieoppgåver i turnus
  • Gi heilskapleg pleie, omsorg og helsehjelp til brukarar
  • Ivareta sjukepleiefaglege oppgåver i tråd med gjeldande lovverk og faglege retningslinjer
  • Bidra til gode relasjonar og samarbeid med brukarar, pårørande og kollegaer
  • Delta i tverrfagleg samarbeid for å sikre heilskaplege tenester
  • Bidra til at tenesta vert utført i samsvar med lovverk, kommunale føringar og fagleg forsvarleg praksis

Fagutvikling og kvalitetsarbeid

  • Bidra til utvikling, implementering og revisjon av rutinar, prosedyrar og faglege retningslinjer
  • Bidra til kunnskapsbasert praksis og kvalitetsforbetring i tenesta
  • Delta i arbeid med pasientsikkerheit og kontinuerleg forbetring
  • Bidra til utvikling av framtidsretta arbeidsmetodar og tenester
  • Medverke ved innføring og vidareutvikling av velferdsteknologiske løysingar

Undervisning og kompetanseheving

  • Planleggje og gjennomføre internundervisning og faglege kompetansetiltak i samarbeid med avdelingsleiar
  • Rettleie medarbeidarar i kliniske kvardagssituasjonar
  • Vere ein fagleg støttespelar i krevjande og komplekse pasientsituasjonar
  • Fremje refleksjon, læring og deling av fagkunnskap i personalgruppa

Dokumentasjon og pasientoppfølging

  • Rettleie medarbeidarar i dokumentasjon og journalføring i tråd med gjeldande lovverk og faglege retningslinjer
  • Bidra til heilskapleg oppfølging av brukarar med samansette og komplekse helseutfordringar
  • Styrkje fokus på meistring, eigenomsorg og rehabiliterande arbeidsmetodar

Kvalifikasjonar

  • Norsk autorisasjon som sjukepleiar. 
  • Relevant klinisk erfaring frå kommunehelsetenesta eller spesialisthelsetenesta. 
  • Erfaring med undervisning, rettleiing og kompetanseutvikling av medarbeidarar er ein fordel.
  • Det er ønskjeleg med erfaring frå fagutvikling og kvalitetsarbeid.
  • God digital kompetanse og erfaring med elektronisk pasientjournal.
  • Gode kommunikasjonsevner på norsk, både skriftleg og munnleg.
  • Førarkort klasse B.
  • Politiattest av nyare dato må leggjast fram før tiltreding

Personlege eigenskapar

Vi ser etter deg som:

  • Er fagleg engasjert og utviklingsorientert
  • Har gode samarbeidsevner og bidreg til eit positivt arbeidsmiljø
  • Er strukturert, løysingsorientert og initiativrik
  • Er trygg i rettleiing og undervisning av kollegaer
  • Er tolmodig, empatisk og viser respekt for brukarane og pårørande sine ynskje og behov

Personlege eigenskapar vil bli vektlagt.

Vi tilbyr

I stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar kun vert utbetalt i 10 år, er offentleg tenestepensjon ei utbetaling som varer fra den dagen du sluttar å arbeide og livet ut. Pensjonen inkluderar også uføre- og etterlattepensjon om noko uventa skulle skje. Med pensjonsrett i KLP får du medlemspris og gunstige betingelsar på ei rekke bank, forsikring og spareprodukter.  

Offentleg tenestepensjon for nytilsette

Vitnemål og attestar skal leggast ved søknaden. Aktuelle søkjarar vil bli innkalla til intervju. Tilsetting skjer etter gjeldande lover, reglement og tariffavtalar, herunder 6 mnd. prøvetid og 2 % pensjonsinnskot.
Vi gjer merksam på at opplysningar om søkjaren kan bli offentleggjort sjølv om søkjaren har oppmoda om å ikkje bli ført opp på søkjarliste. Søkjar vert varsla om dette vert gjort. Jf. offentleglova § 25.

Kontaktinformasjon

Elisabeth Jelle, Einingsleiar, +47 46411183

Arbeidsstad

Hellesyltvegen 17
6218 Hellesylt

Nøkkelinformasjon:

Arbeidsgivar: Stranda kommune

Referansenr.: 5209137091
Stillingsprosent: 100%
Fast
Søknadsfrist: 06.12.2026

Kontaktperson for stillingen

Elisabeth Jelle

Einingsleiar

+47 46411183

Om bedriften

Stranda – «Ein liten stad i verdsklasse»! Mellom fjord og fjell på indre Sunnmøre 1 time frå Ålesund finn du Stranda kommune med bygdene Stranda (kommunesenter), Hellesylt, Geiranger og Liabygda. Kommunen har ca. 4.300 innbyggjarar eit variert næringsliv med høg sysselsetting, godt utbygd barnehage- og skuletilbod inkl. 2 vidaregåande skular, eit aktivt kultur- og idrettsliv og eit breitt tilbod for deg som trivst ute året rundt. Vi har det største skisenteret på Nordvestlandet- spesielt kjent for sine spektakulære omgivnadar i Sunnmørsalpane, regionalt kulturhus- den naturlege møtestaden for kino, teater, dans, utstillingar og konsertar av alle slag, folkebibliotek og treningssenter.

·         Stranda kommune er i sentralitetssone 5 og har makspris kr 700,- pr. md. for full barnehageplass. 

·         Bur du i Stranda og er i jobb, kan du etter eitt år få sletta 25 000 kroner av studielånet ditt. Du kan få sletta delar av lånet kvart år til det er nedbetalt.

I Stranda kommune arbeider vi etter visjonen «Til å vere stolt av». Vi ønskjer å vere ein arbeidsplass der folk trivst, utviklar seg og får bruke kompetansen sin til beste for innbyggjarane. Gjennom samarbeid, tillit og engasjement skaper vi gode tenester og sterke lokalsamfunn. Verdiane våre respekt, omsorg og openheit skal prege arbeidet vårt. Les om Stranda og dei kommunale tenestilboda.

I stillinga har du rett på ein av Norges sikraste pensjonsordningar: offentleg tenestepensjon. Offentleg tenestepensjon ei utbetaling som varer frå den dagen du sluttar å arbeide og livet ut. Med pensjonsrett i KLP får du medlemspris og gunstige vilkår på ei rekke bank, forsikring og spareprodukt. Offentleg tenestepensjon for nytilsette

Sektor

Offentlig

Del annonsen

Annonsedata

Rapporter annonse
Stillingsnummer

9f24142a-6d9b-4683-85c0-4b9616bffabe

Sist endret

20. november 2026

Hentet fra

talentech

Referanse

ea7422b8a30d4886b115b9973a8e2c2e

Lignende annonser

Laster lignende annonser