Vikariat som koordinator/rådgjevar

Rogaland fylkeskommune

Litlehagen 2, 5580 Ølen, Sandeidvegen 635, 5585 Sandeid

Om jobben

Stillingstittel: 100 % vikariat som koordinator/rådgjevar ved Ølen vgs, Haugaland fengsel avd. Sandeid
Type ansettelse: Vikariat, heltid 100%
Antall stillinger: 1
Arbeidsspråk: Norsk

Søk på jobben

Søk senest søndag 8. november

100 % vikariat som koordinator/rådgjevar for opplæringa Ølen vgs leverer i Haugaland fengsel avd. Sandeid

Frå 1. februar 2027 til 31. januar 2028 er det ledig stilling som koordinator/rådgjevar. I stillinga inngår rådgjeving, veiledning, budsjettkontroll, dagleg drift og samarbeid med kriminalomsorga. Arbeid med drift av matvogn er og tillagt stillinga. Det inngår ikkje personalansvar i stillinga. Den som vert tilsett må ha evne til å motivere innsette til å ta utdanning, fullføre grunnskule og vidaregåande skule.

Krav til stillinga:

Relevant utdanning innan undervisning og/eller rådgjevning
Godkjend pedagogisk utdanning
Godkjend utvida politiattest
Personlege eigenskapar vil bli tillagde stor vekt

Me søkjer deg som:

Tek initiativ overfor elevar, tilsette, skuleleiinga og fengselsleiinga
Har gode relasjonelle og kommunikative ferdigheiter
Har evne til å jobbe sjølvstendig og strukturert
Har gode samarbeidsevner, er samlande, tydeleg og har godt humør
Er fleksibel og trivst med ein variert og hektisk arbeidskvardag

Me tilbyr:

Moglegheiter til å vidareutvikle tilbodet skulen gir i fengselet
Varierte, spennande og meiningsfulle arbeidsoppgåver
Gode høve for fagleg utvikling
Trivelege kollegaer i eit tverrfagleg arbeidsmiljø
Gode pensjons- og forsikringsordningar
Lønn og arbeidsvilkår fastsett i gjeldande avtaleverk

Korleis søkje:

Du kan søkje på stillinga gjennom jobbsøkarportalen til Grade Jobbnorge. For å søkje må du ha ein eigen jobbsøkarkonto.

CV skal fyllast ut i det elektroniske CV-skjemaet som er tilgjengeleg i søknaden. Det er mogleg å laste opp vedlegg ved behov.

Sjå gjerne hjelpesenteret for jobbsøkjarar her: Grade Kunnskapsbase – Hjelp for jobbsøkjarar

Vi gjer merksam på at i samsvar med offentleglova § 25, andre ledd, kan opplysningar om søkjaren bli offentleggjorde sjølv om du har bedt om å ikkje bli ført opp på den offentlege søkjarlista. Dersom du har bedt om unntak frå offentleg søkjarliste, vil du bli varsla før lista blir offentleggjort.

Kontaktperson for stillingen

Monstad, Pål Viland

Administrasjonsleder

91348629

pal.viland.monstad@skole.rogfk.no

Om bedriften

Rogaland fylkeskommune er ein av dei største arbeidsgivarane i Rogaland, med rundt 4300 tilsette. Me jobbar saman for eit grønt og attraktivt Rogaland.

Vil du vere med å bygge eit betre Rogaland saman med flinke og engasjerte kollegaer?

Ølen vidaregåande skule er ein kombinert skule som pr. i dag har ca 300 elevar og om lag 70 tilsette. Skulen tilbyr studiespesialisering, påbygg, idrettsfag, elektro og datateknologi, teknologi og industrifag, bygg og anleggsteknikk, helse- og oppvekstfag. I tillegg har me tilrettelagt opplæring i lita gruppe. Skulen er ein av fire i Rogaland som driv fengselsundervisning.

Tilbod om utdanning er ein viktig del av rehabiliteringsarbeidet i fengsla våre. I Haugaland fengsel avd. Sandeid er det 88 soningsplassar, og mange av dei innsette er tilknytt skulen. Opptak skjer fortløpande, og utdanningsløpa vert tilpassa den enkelte. Det krev fleksibilitet frå lærarane si side, ein må tilpasse opplæringa til dei elevane ein til ei kvar tid har, og ein må handtere raske endringar i elevmasse og oppgåver.

Ølen vgs er MOT-skule, og er kjenneteikna av godt læringsmiljø, gode faglege resultat og høg trivsel.

For meir info: www.olen.vgs.no

Me ynskjer oss medarbeidarar som er positive, engasjerte, fleksible, involverande og tydelege. I tillegg er samarbeidsevne og -vilje nødvendig.