Rettleiar NAV, fast stilling

50 % fast stilling som rettleiar ved Nav Suldal

Ein av våre erfarne medarbeidarar skal over i pensjonistanes rekkjer og i samband med det søkjer Nav Suldal etter ein ny medarbeidar. Nav Suldal ligg sentralt plassert i Gata på Sand og har for tida totalt elleve tilsette.

I Nav samarbeider stat og kommune om å tilby éi dør inn til dei offentlege arbeids- og velferdstenestene. Nav sitt samfunnsoppdrag er å bidra til sosial og økonomisk tryggleik og fremja overgang til arbeid og aktivitet. Målet er å skapa eit inkluderande samfunn, eit inkluderande arbeidsliv og ein velfungerande arbeidsmarknad.

Arbeidsoppgåver

• Gjeldsrådgjeving/økonomisk rådgjeving. Oppfølging av brukarar som har utfordringar med eigen økonomi, setja opp budsjett og rettleia i saker knytt til gjeldsproblematikk. Kontakt med kreditorar, samarbeid med namsmenn o.l.
• Sakshandsaming av Husbanken sine ordningar
• Kartlegging, rettleiing og tett oppfølging av menneske med samansette behov
• Saman med resten av kontoret bidra til at me utviklar stadig betre brukartenester og at kontoret når verksemdsmåla sine
• Tverrfagleg samarbeid med aktuelle instansar internt og eksternt
• Betene vertsfunksjon for publikum i opningstida til kontoret

Nav er i stadig utvikling, så endring av arbeidsoppgåver må påreknast

Kvalifikasjonar

• Du har 3-årig utdanning frå høgskule eller universitet. Utdanning innan økonomi og sosialfag vert føretrekt. Minst 3 års erfaring med direkte rettleiing av menneske med økonomiske utfordringar, kan kompensera for manglande utdanning
• Du har relevant erfaring innan rettleiingsarbeid og relasjonsbygging
• Du har gode kommunikasjonsevner, skriftleg og munnleg norsk (B2).
• Du har gode digitale ferdigheiter; kunne handtera ulike fagsystem og digitale oppfølgingsverktøy.

Me ønskjer i tillegg at du har:

• God økonomiforståing
• Erfaring med gjeldsrådgjeving i, eller utanfor Nav, eller erfaring frå arbeid med gjeldssaker hjå namsmannen
• Du har erfaring frå arbeidsretta brukaroppfølging/sakshandsaming i NAV, og kjennskap til Nav sine fagsystem
• Du har kompetanse på tverrfagleg samarbeid, nettverksbygging og arbeidsinkludering

Personlege eigenskapar:

• Evne til å motivera og skapa gode relasjonar, internt og eksternt
• Evne til å sjå moglegheiter og ha gode samarbeidsevner.
• Du er trygg og robust, og taklar ein samansett og krevjande arbeidskvardag.
• Evne til å jobbe målretta, nøyaktig og effektivt.
• Evne til å visa fagleg engasjement og dela kunnskap.

Personlege eigenskapar vil bli vektlagde

Me tilbyr:

• Spennande arbeidsoppgåver med rom for fagleg og personleg utvikling
• Nyoppussa lyse og flotte lokale
• Eit inkluderande og varmt arbeidsmiljø med knakande kjekke kollegaar
• Løn i tråd med gjeldande avtalar

Har du spørsmål kan du kontakta leiar Anne Birkeland på telefon 922 51 603 eller e-post anne.birkeland@nav.no.

Oppstart 01.01.2026. Tidlegare oppstart kan også vera aktuelt.

Link til søknadsskjema: Søk her