Avdelingsleiar

Om stillinga

Me søkjer avdelingsleiar ved Modalstunet bu- og opptrening, som ligg idyllisk plassert på Øvre Helland i Modalen kommune. Som avdelingsleiar på Modalstunet, er du ein viktig del av leiarteamet i pleie- og omsorg, ein pådrivar for fag- og tenesteutvikling, og ein trygg leiar med fokus på god flyt i våre pleie- og omsorgstenester.

Modalstunet er kommunen sin einaste sjukeheim og er både institusjon og base for heimebaserte tenester. Der er i snitt mellom 6 - 10 bebuarar, samt eit aukande tal brukarar som får tenester levert i heimen sin. Hos oss vil ein raskt få god oversikt over- og kontakt med tenestemottakarar både i insitusjonen og heimebuande. 

Arbeidsteamet rundt pleie- og omsorgstenestene består av dyktige kollegaer som vil ønskje deg velkommen som ein viktig del av arbeidsfellesskapet. Det er ellers korte linjer i organisasjonen vår, då pleie- og omsorgsleiar sit i utvida strategisk leiargruppe saman med rådmann. 

Arbeidsoppgåver og ansvar

• Koordinering og oppfølging av dagleg drift i eininga
• Bemanningsplanlegging og turnus
• Kvalitet- og forbetringsarbeid i tett samarbeid med pleie- og omsorgsleiar, tillitsvalde og verneombod
• Koordinering og oppfølging av faste møter med sjukepleiargruppa
• Sjukepleiarfaglege oppgåver i samarbeid med øvrige tilsette for å sikre god drift av pleie- og omsorgseininga
• Organisering og gjennomføring av fagopplæring av tilsette; mellom anna fagdagar, internundervisning, hospitering, lærlingar og studentar
• Innkjøp og varekontroll 
• Budsjett og støtte i planlegging av arrangement og anna aktivitet i eininga
• Stadfortredar for pleie- og omsorgsleiar ved behov.

Deler av stillinga inngår i turnus med arbeid helg og ettermiddag, men er elles primært på dagtid.

Kvalifikasjonskrav

• Norsk autorisasjon som sjukepleiar
• Sertifikat kl. b, manuell
• Norsk skriftleg og munnleg kompetanse på nivå min. B2
• God IKT-kompetanse
• Erfaring eller vidareutdanning innan leiing, økonomi, administrasjon eller tilsvarande er ynskjeleg
• Erfaring frå turnusarbeid
• Gyldig politiattest må leggjast fram før ein tek til i stillinga.

Våre ynskje om deg

Vi ser etter deg som

• er løysingsorientert og fagleg nyfiken
• har gode kommunikative evner, viser omsorg og toleranse
• er ein tydeleg, strukturert og målretta leiar 
• evnar godt å planlegge ditt eige og andre sitt arbeid
• har god sjølvinnsikt og innsikt i korleis best innrette deg for å leie andre
• har fokus på samarbeid, men samstundes kan jobba sjølvstendig og vere besluttsam
• legg til rette for raske og gode prosessar.

Personlege eigenskapar vert vektlagt. 

Me tilbyr

• Arbeidsvilkår i tråd med tariffavtale
• Løn etter avtale
• Konkurransedyktige rekrutteringsvilkår for sjukepleiarar i turnus med mellom anna:
  • bu- eller pendlartilskot
  • fem ekstra samanhengande vekedagar fri i løpet av året
  • nedbetaling av studielån på inntil kr 20 000,- årleg
  • moglegheit for tilretteleggig og økonomisk støtte ved vidareutdanning 
  • moglegheit for å leige bustad i Modalen dersom du ynskjer å prøvebu her
• Pensjonsavtale i KLP.