Hallinghelse - Rådgjevar for tverrfagleg innsats for barn og unge

Vil du bidra til at barn, unge og familiar i Hallingdal får tidleg, heilskapleg og samordna hjelp?

Hallinghelse søkjer ein engasjert og sjølvstendig rådgjevar som skal styrkje det interkommunale arbeidet for barn og unge i Ål, Hol, Gol, Hemsedal og Flå. Du vil arbeide på tvers av kommunar, sektorar og fagområde for å vidareutvikle førebyggjande tiltak, styrkje samhandlinga mellom tenestene og auke kompetansen hos tilsette.

Oppfølging og vidareutvikling av BTI-modellen og Trygg oppvekst Hallingdal vil vere ein sentral del av stillinga. Du vil samarbeide tett med kommunepsykologen og andre fagpersonar i Hallinghelse om å utvikle gode interkommunale tilbod med utgangspunkt i behova i kommunane.

• støtte kommunane i arbeidet med førebygging, tidleg innsats og samordning av tenester
• følgje opp og vidareutvikle BTI-modellen og Trygg oppvekst Hallingdal
• drifte og vidareutvikle tryggoppveksthallingdal.no, handlingsrettleiaren og tilhøyrande materiell
• utvikle og koordinere interkommunale tilbod, faglege nettverk og kompetanseheving
• utvikle lærings- og meistringstilbod for barn, unge og familiar
• bidra til å utarbeide, revidere og følgje opp interkommunale planar og satsingar
• samarbeide med leiarar og fagpersonar innan mellom anna helse, oppvekst, barnevern og NAV
• halde kommunane oppdaterte på lovverk, nasjonale føringar og faglege råd
• utarbeide saksgrunnlag, rapportar, planar og samarbeidsavtalar

Arbeidsoppgåvene kan utvikle seg i takt med behova i kommunane og nye interkommunale satsingar.

Vi søkjer deg som:

• har relevant utdanning på minimum bachelornivå, til dømes innan helse- og sosialfag, pedagogikk, barnevern eller lærarutdanning
• har relevant erfaring frå arbeid med barn, unge og familiar
• har forståing for førebyggjande arbeid, tidleg innsats og tverrfagleg samarbeid
• kjenner kommunale tenester og offentleg forvaltning
• har erfaring med utviklingsarbeid, prosjektarbeid, koordinering eller implementering
• har svært god skriftleg og munnleg framstillingsevne på norsk
• har god digital kompetanse og førarkort klasse B

Kjennskap til BTI-modellen eller erfaring med systematisk samhandling rundt barn og unge er ein fordel.

Du er initiativrik, strukturert og målretta, og evnar å arbeide sjølvstendig og skape framdrift. Du byggjer gode relasjonar og tillit på tvers av fagmiljø og sektorar, og trivst i rolla som rådgjevar, koordinator og pådrivar. Vi legg stor vekt på samarbeidsevne, formidlingsevne, fleksibilitet og personleg eignaheit.

• ei fast stilling med eit viktig samfunnsoppdrag
• varierte oppgåver og stor moglegheit til å påverke utviklinga av interkommunale tilbod
• eit tverrfagleg og utviklingsorientert arbeidsmiljø
• ein sjølvstendig og fleksibel arbeidskvardag
• fleksibel arbeidstid og moglegheit for heimekontor etter avtale
• løn og arbeidsvilkår etter gjeldande avtaleverk

Arbeidsstaden er Hallinghelse på Torpomoen i Ål. Stillinga inneber møteverksemd og reising mellom kommunane.

• Vitnemål og attestar legg du inn saman med søknaden.
• Intervju og tilsetting kan bli gjennomført fortløpande i søknadsperioden.
• Kommunen følgjer offentleglova § 25 ved eventuell offentleggjering av søkjarlista.

Ta gjerne kontakt med oss.