Klinikkleiar

Vestland Fylkeskommune søkjer ein engasjert og tydeleg klinikkleiar for Askvoll klinikkområde i 100% fast stilling ledig frå 01.10.25. Klinikkområdet høyrer til Nord Tannhelseområde og består av  Askvoll, Hyllestad og Hardbakke tannklinikk. 

Askvoll klinikkområde består av Askvoll og Hyllestad tannklinikk, og Hardbakke ambuleringsklinikk. Desse klinikkane har eit tett samarbeid.  
Askvoll tannklinikk er ein klinikk for 3 tannlegar, 2 tannpleiarar og 3 tannhelsesekretærar. Hyllestad tannklinikk har 1 tannlege, 1 tannpleiar og 1 tannhelsesekretær. På Hardbakke tannklinikk er det ingen fast bemanning, men personal frå Hyllestad eller Askvoll ambulerer etter behov. Det er eit godt arbeidsmiljø og gode moglegheiter for fagleg utvikling med pasientar i alle aldersgrupper, også mange vaksne pasientar fordi det er lite private tannklinikkar i området. 

Askvoll ligg sentralt plassert på kysten av Sogn og Fjordane, like nord for Bergen, og er eit knutepunkt mellom land og sjø. Askvoll byr på alt det Fjord Noreg er kjent for, og strekkjer seg frå høge fjell i øst, til det vestlegaste bufaste øysamfunnet, Bulandet, i vest. Folket i Askvoll lever tett på naturen og elementa. Lyset er skiftande og vakkert, og solnedgangane magiske, heile året. 

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.

Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Arbeidsoppgåver

• Syte for at drifta er i tråd med lover og retningslinjer, og føl målsetnadane til Vestland Tannhelseteneste
• Syte for at klinikkområdet gjev tilbod med høg fagleg kvalitet og god service til pasientar
• Sikre eit godt arbeidsmiljø for dei tilsette med fagleg utvikling og god medverknad
• Personalleiing
• Økonomistyring
• Klinikkleiar er ein del av områdeleiar si leiargruppe, og er forventa å delta aktivt i strategi- og utviklingsprosessar for området

Kvalifikasjonar

Søkjaren bør ha tannhelsefagleg bakgrunn. Det er ein fordel om søkjaren har leiarutdanning eller
leiarkompetanse. Evt. blir det forventa at søkjar tar denne utdanninga innan 3 år etter tilsetting.
Det blir gjort ei heilheitleg vurdering av søkjaren ved tilsetting i stillinga.
Søkjar må beherske norsk skriftleg og munnleg, søknaden må være på norsk. Relevante dokument skal vere oversett til norsk eller engelsk. 
Den som skal tilsetjast må leggje fram politiattest.
Kompetent, open og modig er dei grunnleggande verdiane i Vestland Fylkeskommune, og skal være grunnlag for all leiing.

Personlege eigenskapar

Vi søkjer deg som:

-          set pasientane i fokus for klinikkområdet sitt arbeid
-          byggjer eit sterkt fagleg fellesskap og ein verdibasert kultur som heile tida søkjer vidare utvikling
-          gjennom god leiingspraksis etablerer tillit og skapar samhald
-          opptrer tydeleg som arbeidsgjevar og gjennomfører administrative vedtak
-          har gode kommunikasjonsevner
-          har god gjennomføringsevne
-          kjennskap og erfaring frå offentleg tannhelseteneste er eit føremon
-          evne til å skape gode relasjonar til pasientar, pårørande, medarbeidarar og andre samarbeidspartar vil bli vektlagt

 

Vi tilbyr

-          ei spennande og variert stilling i eit arbeidsmiljø med høg fagleg kompetanse
-          gode moglegheiter for personleg og fagleg utvikling
-          godt samarbeid, god kontakt, dialog og oppfølging mellom klinikkleiarane og områdeleiar
-          løn etter avtale
-          fylkeskommunale tilsetjingsvilkår med gode offentlege forsikrings- og pensjonsordningar
-          Alle nytilsetjingar vert gjort med 6 mnd prøvetid

Kontaktinformasjon

Siri Vold, områdeleiar tannhelse, siri.espedal.vold@vlfk.no

Arbeidsstad

Askvollvegen 395
6980 Askvoll

Nøkkelinformasjon:

Arbeidsgivar: Vestland fylkeskommune

Referansenr.: 5006471675
Stillingsprosent: 100%
Fast
Søknadsfrist: 26.09.2025