Vil du vere med å gjere ein forskjell for ungdom i Bømlo?

Brenn du for å gje ungdommar best mogleg støtte og oppfølging? 

Me ser etter ein engasjert og trygg ungdomskontakt som vil vere med å styrke det førebyggjande rusarbeidet i kommunen. Stillinga er knytt til psykisk helseteam for barn og unge, der også det førebyggjande rusteamet inngår som ein viktig del av arbeidet. Du vert tilsett i Barne- og familietenesta.

Som ungdomskontakt får du ei sentral rolle i å førebyggje rusbruk og bidra til at ungdommar opplever støtte, meistring og kjenner seg inkludert. Du blir ein del av eit tverrfagleg miljø, der ulike profesjonar og faggrupper jobbar saman for å møte dei utfordringane ungdom står overfor. Her i samarbeid med SLT (rus og kriminalitetsførebyggjing), samt politi og FACT Ung (tverrfagleg oppfølgingsteam for unge) der teamleiar deltek. Målet er hindre at ungdom fell utafor arbeids- og samfunnsliv. 

Arbeidstida er hovudsakleg dagtid, men noko ettermiddag/kveld og helg må påreknast.

Oppstart etter avtale.

Arbeidsoppgåver

• Oppsøkjande arbeid i ungdomsmiljøet, oppfølging av ungdom med bekymringsfull og/eller begynnande rusbruk.
• Samarbeid med skule, føresette og andre relevante instansar, som næringsliv og lokale verksemder.
• Vere til stades for ungdom med fast kontortid på ungdomsskule og/eller vidaregåande skule.
• Undervisning og informasjon til elevar, foreldre og andre aktørar.
• Delta i tverrfagleg arbeid i kommunen.
• Bidra til at rusteamet held seg oppdatert på kunnskap om rusfeltet og trendar i kommunen.
  

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Relevant høgskuleutdanning på bachelornivå som t.d. sosionom, barnevern, vernepleie, psykisk helsearbeid, barne- og ungdomsarbeid eller liknande.
• Erfaring med arbeid med ungdom.
• Erfaring med samarbeid med føresette og familiar vert sett på som ein styrke.
• Gode digitale ferdigheiter.
• Gode norskkunnskapar, både munnleg og skriftleg.

Personlege eigenskapar

• Gode relasjonelle eigenskapar og evne til å bygge tillit.
• Brenn for førebyggjande arbeid blant ungdom og ønskjer å bidra til meistring og inkludering.
• God på samarbeid, men kan også jobbe sjølvstendig og vere løysingsorientert.
• Trygg, lyttande og respektfull i møte med ungdom og samarbeidspartnarar.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.

Vi tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Som tilsett får du tilbod om medlemskap i velferdsklubb. 
   

Andre opplysingar

• Det vert stilt krav om politiattest ved tilsetjing etter Helse og omsorgstenestelova § 5.4 og Opplæringsloven § 17-11, jf. politiregisterloven § 39 første ledd.
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. Mangfald styrkjer tenesta vår, og me ønskjer å bidra til ei meir balansert kjønnsfordeling ved å oppmode menn om å søkje. 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med Linda Hellen. 

Kontaktinformasjon

Linda Hellen, Verksemdsleiar v/ Barne- og familietenesta, +47 909 61 702, Linda.Hellen@bomlo.kommune.no

Nøkkelinformasjon:

Arbeidsgivar: Bømlo kommune

Referansenr.: 5013854119
Stillingsprosent: 100%
Fast
Søknadsfrist: 29.09.2025