Rådgjevarar undervisnings- og læringsstøtte

Dette er NTNU

NTNU er eit breiddeuniversitet med ein teknisk-naturvitskapleg hovudprofil og eit tyngdepunkt
innan profesjonsutdanning. Universitetet er lokalisert i tre byar med hovudsete i Trondheim.

På NTNU jobbar 9 000 tilsette og 43 000 studentar med å skapa kunnskap for ei betre verda.

. Video: https://youtu.be/Xt-yHCN5QS0

Om stillinga

Seksjon for læringsstøtte og digitale tenester lyser ut 2 mellombelse rådgjevarstillingar i 100 % i Eining for læring og teknologi. Engasjementet si lengde er 2 år. Ønskja oppstart så snart som råd.

Seksjonen ligg under Avdeling for utdanning og er samansett av fire einingar. 

Eining for læring og teknologi har 28 engasjerte medarbeidarar, og eit breitt kompetanse- og ansvarsområde som mellom anna omfattar utvikling av undervisning og læring, anskaffing og forvaltning av undervisnings- og vurderingssystem og læringsteknologiar, samt utvikling av digitale læringsressursar og eksamensgjennomføring. 

Eininga skaper utdanningskvalitet gjennom å støtte NTNU i utviklinga og nyttinga av varierte og studentaktive undervisnings-, lærings- og vurderingsformar. Målgruppene til eininga er NTNU sine undervisarar, fagmiljø, leiarar og administrativt tilsette på alle nivå i organisasjonen. 

Din næraste leiar er einingsleiar ved Eining for læring og teknologi. 

Du kan lese meir om eininga og seksjonen her: Seksjon for læringsstøtte (SLD) https://www.ntnu.no/adm/aud/sld

Arbeidsoppgåver

• Opplæring, rådgjeving og rettleiing for NTNU sine tilsette og studentar på bruk av 
    digitale verktøy og tenester til læring og undervisning.
• Samarbeide med interne støtteeiningar og administrative einingar, samt NTNU sine 
    fagmiljø.
• Jobbe med kommunikasjon ut til fagmiljø, administrative einingar, og leverandørar av 
    NTNU sine system og tenester innan det digitale læringsmiljøet.
•  Samarbeide med fagmiljø som vil utvikle både sine ordinære og nettbaserte 
    utdanningstilbod.
• Medverke i seksjonen og eininga si oppfølging av utviklingsprosjekt og strategiske 
    satsingar.
•  Legge til rette for og vere pådrivar for røynsledeling, nettverksarbeid og møteplassar 
• Samarbeide med undervisarar og fagmiljø for å fremje universell utforming av 
    undervising og læringsressursar.
   

Kvalifikasjonskrav

• Det er krav om relevant utdanning på minimum bachelornivå. Lang og relevant 
    røynsle kan kompensere for utdanningskravet. 
• Røynsle frå læringsprosessar eller undervisning, og korleis digitale tenester, ny 
    teknologi og moderne læringsarenaer kan medverke til å fremje læring.
• God forståing for IT-system og evne til å sette seg inn i ny teknologi. 
• Gode munnlege og skriftlege evner, på norsk og engelsk
   

Ønskte kvalifikasjonar

• Røynsle frå UH-sektoren
• Røynsle frå prosjektdeltaking og/eller prosjektleiing
• Forståing for korleis ein lukkast med å få overført og avslutta prosjekt til god 
   forvaltning og drift

I vurderinga av dei best kvalifiserte kandidatane, vil vi leggje vekt på utdanning, erfaring, personlege eigenskapar og motivasjon for stillinga.
 

Personlege eigenskapar 

• Kan ta initiativ og tenkje analytisk
• Er systematisk og løysningsorientert
• Gode samarbeidsevner

Ved vurdering av den best kvalifiserte, legg vi vekt på utdanning, erfaring og personleg eignaheit, samt din motivasjon for stillinga.

Vi tilbyr 

• spennande og utviklande oppgåver i eit sterkt og internasjonalt fagmiljø
• opent og inkluderande arbeidsmiljø med engasjerte kollegaer
• gunstige vilkår i Statens pensjonskasse
• tilsettegoder og fordelar

Lønn og vilkår 

Stillinga som rådgjevar kode 1434 blir normalt løna frå brutto kr 625.000-700.000 pr år, avhengig av ansiennitet og kvalifikasjonar. Frå̊ løna blir det trekt 2 % lovfest innskott til Statens Pensjonskasse.

Tilsettinga skjer på dei vilkår som til ei kvar tid gjeld for tilsette i staten (statsansatteloven), og lovverk som regulerer eksport av kunnskap, teknologi og tenester. Etter tilsetjinga må du påregne at det kan skje endringar i arbeidsområdet.

Om søknaden

Vi gjer merksam på at søknaden berre blir vurdert ut frå informasjonen vi har fått når søknadsfristen har gått ut. Sørg difor for at søknaden din tydeleg viser korleis dine ferdigheiter og erfaringar oppfyller kriteria som er skildra over.

Søknaden må innehalde:
·    CV, attestar og vitnemål

Viss heile eller deler av utdanninga di er tatt i utlandet, ber vi deg i tillegg legge ved dokumentasjon på omfang og kvalitet for heile ditt utdanningsløp, både bachelor- og masterutdanning, i tillegg til anna høgare utdanning. Skildring av kva dokumentasjon som er naudsynt finn du her. Viss du allereie har ei fråsegn frå HK-dir, er det fint om du legg ved ho òg.

Generell informasjon 

Inkludering og mangfald er ein styrke. Vi ønsker at våre tilsette skal spegla befolkninga, og søker til kvar tid dei beste hovuda. Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet vi treng for å gjennomføra samfunnsoppdraget vårt innan forsking og utdanning.  NTNU legg vekt på tilrettelegging og oppfordrar deg som kvalifisert kandidat til å søka uavhengig av kjønn, funksjonsevne, hol i CV eller kulturell bakgrunn. 

Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtatte.

Offentleg søkarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønsker å reservera deg frå oppføring på offentleg søkarliste må dette grunngivast. Vurdering vil bli gjort i samsvar med gjeldande lovverk. Du vil bli varsla om reservasjon ikkje blir tatt til følgje.

Spørsmål om stillinga kan rettast til leiar for Eining for læring og teknologi, Silje Belsvik Taftø, på tlf.: 95836389 eller e-post: silje.b.tafto@ntnu.no 

Søknad med CV, vitnemål og attestar skal sendast elektronisk via Jobbnorge.no. Søkarar som blir invitert til intervju må ta med stadfesta kopiar av attestar og vitnemål. Søknaden merkast med referansenummer: NTNU-nr 54/25

Søknadsfrist: 29.09.2025