Inntak- og forløpskoordinator

Ved Avdeling for rusmedisin (AFR), Dr. Martens er det ledig dagstilling som inntak- og forløpskoordinator. Dr. Martens-bygget ligg tilbaketrekt i rolige omgjevnader i Sandviken og inneheld to sengepostar for AFR.​​​​ I byggets underetasje ligg avdelingas tvangspost der pasientane kan bli innlagd utan eige samtykke etter §§ 10-2 og 10-3 i helse- og omsorgstjenesteloven (HOL) når andre frivillige hjelpetiltak ikkje er hensiktsmessige eller tilstrekkelege. Den ledige stillinga er knytt til ein korttidspost i byggets andre etasje. Posten tilbyr mellom anna avklaring og avrusing til både kvinner og menn i ein subakutt fase.
 
På Dr. Martens blir pasientane møtt av ein flott tverrfagleg personalgruppe. Hos oss møter du erfaringskonsulent, sjukepleiar, sosionom, lege, fysioterapeut, vernepleiar, psykolog med meir. Pasientrommene er store og fine, dei fleste med eigne bad og nydeleg utsikt over byfjorden. Å ha eit sunt og variert kosthald er viktig, også i behandlingskvardagen. Våre tilsette bidrar kvar dag til at pasientane våre kan glede seg til både frukost, lunsj og middag. Vi tilbyr fleire treningsaktivitetar vekentleg, anten på eige treningsrom, eller i nærområdet. Alle tilsette er til stades for å bidra til eit heilskapleg tilbod til våre pasientar.

Arbeidsoppgåver

• Som inntak- og forløpskoordinator ved Dr. Martens blir du ansvarleg for å koordinere inntak av pasientar opp mot behov og kapasitet, i samarbeid med inntaksansvarleg overlege og seksjonsleiinga. Ein vesentleg andel av pasientane vil komme til korttidsposten i akuttforløp, for eksempel etter innlegging i psykiatrisk akuttmottak (PAM). Du får saman med overlege ei sentral rolle med å vurdere pasientar for inntak i korttidsposten, med mål om å at den enkelte pasient sikrast riktig behandling på riktig sted til riktig tid. Rask avklaring av vidare forløp for den enkelte pasient er sentralt, herunder koordinert overføring til neste oppfølgings- og behandlingsinstans. Stillinga krev løpande kontakt med samarbeidande instansar både innad i AFR og i Helse Bergen, men også ut mot andre sentrale aktørar som kommunar og private/ideelle organisasjonar. Godt samarbeid med desse tenestetilboda er viktig for å lykkast i arbeidet.
• Arbeidet med inntak- og koordinering er avhengig av antal førespurnader. All resttid i stillinga er knytta til drift av sengepostane saman med øvrig postpersonell.   

Kvalifikasjonar

• Relevant helsefagleg (spl/vpl) utdanning på minimum bachelornivå
• Erfaring frå behandling av pasientar med rus- og avhengigheitsliding
• Som person er du positiv, open, nysgjerrig og god på samarbeid og skaper tillit til både pasientar, pårørande og samarbeidspartnara.

 

Er du klar for å vere AFR sin inntak- og forløpskoordinator for korttidsposten på Dr Martens? Da håper vi å høyre frå deg

Vi tilbyr

• Lønn iht avtale
• Gode pensjons- og forsikringsordninger

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Kato Oksnes, Seksjonsleiar, +47 92415709

Arbeidsstad

Hatleveien 7D
5038 BERGEN

Nøkkelinformasjon:

Arbeidsgivar: Helse Bergen HF

Referansenr.: 5021385616
Stillingsprosent: 100%
Fast
Søknadsfrist: 19.10.2025