Assistent

Vi søkjer ein fleksibel, ansvarsbevisst og påliteleg medarbeidar som kan arbeide som tilkallingsvikar ved behov. Det kan i periodar vere aktuelt å tilby enkelte planlagde vakter, inkludert helgevakter, men stillinga gir ikkje rett til fast arbeid eller fast turnus.

Stillinga kan vere særleg aktuell for sjukepleiarstudentar (1. året), eller andre over 18 år som ønskjer erfaring frå spesialisthelsetenesta.
Det er ønskjeleg at den som blir tilsett også kan vikariere for seksjonen sin faste assistent under ferieavvikling sommaren 2027.

Fødeavdelinga ved Ålesund sjukehus tilbyr trygge og omsorgsfulle tenester til fødande og nyfødte. Vi har eit tverrfagleg miljø med høg fagleg kompetanse og fokus på kvalitet, tryggleik og pasientomsorg.
Som assistent vil du vere ein viktig del av støtteapparatet som bidreg til god flyt og hygiene i avdelinga.

Høyrest dette ut som noko for deg? Då håpar vi du søkjer – vi gler oss til å høyre frå deg!

Arbeidsoppgåver

• Rydding, reinhald og klargjering av fødestover, inkludert desinfisering og påfyll av nødvendige artiklar
  
• Skylleromsarbeid med vask av utstyr, sortering av avfall og skittentøy, og ivaretaking av hygiene
• Orden og reinhald i matsal, inkludert rydding, påfyll og ivaretaking av hygiene og trivsel
  
• Dagleg reinhald i avdelinga, inkludert vask av fellesareal, støvtørking, avfallshandtering og påfyll av forbruksartiklar
  
• Transport og klargjering av sengar, samt samarbeid med reinhaldspersonell og portørar
  
• Førefallande oppgåver som varehenting, intern pasientflytting og støtte til god logistikk og flyt i avdelinga

Kvalifikasjonar

• Erfaring frå reinhald er ein fordel, men ikkje eit krav
  
• Helsefaglege studentar er velkomne til å søke
  
• Søkar må vere over 18 år
  
• Gode samarbeidsevner og evne til å arbeide sjølvstendig
  
• Serviceinnstilt, nøyaktig og påliteleg
  
• God forståing for hygiene og smittevernrutinar

Personlege eigenskapar

• Du trivast med praktiske arbeidsoppgåver og likar å bidra der det trengs
  
• Du er fleksibel og kan handtere ein variert arbeidskvardag
  
• Du tek ansvar og viser initiativ
  
• Du bidreg til eit positivt og inkluderande arbeidsmiljø
• Personleg eignaheit vert vektlagd ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Marianne Bakken Omvik, Seksjonsleiar, +47 70105921, Marianne.Bakken.Omvik@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5171935418
Stillingsprosent: 0%
Tilkalling/Timebasis
Søknadsfrist: 01.10.2026