Seniorrådgjevar/rådgjevar

Vestland fylkeskommune har ansvar for å utvikle regionen Vestland fylke, og har mange ulike ansvarsområde. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for verdiskaping, næringsutvikling, fritidsopplevingar, klima og kultur. Fylkestinget er øvste politiske organ i fylkeskommunen.

Avdeling for Mobilitet - og kollektivtransport (MOK) har det overordna ansvaret for å ivareta og utvikle eit framtidsretta, miljøvenleg og effektivt mobilitets- og kollektivtilbod for innbyggjarane i Vestland fylke. Avdelinga har no ei ledig stilling som seniorrådgjevar / rådgjevar ved seksjon for transportplanlegging. 

Transportplanseksjonen har ansvaret for overordna fylkeskommunal samferdsleplanlegging, samt deltaking i og oppfølging av statleg planlegging innanfor transportområdet. Arbeidet med Byvekstavtalen for bergensområdet, deltaking i Miljøløftet, planlegging av kollektivinfrastruktur, heilskapleg satsing på berekraftig mobilitet og gjennomføring av regional plan for areal og mobilitet er hovudoppgåvene til transportplanseksjonen. Uttale til arealplanar, samt innspel til nasjonalt regelverk og rammevilkår innen samferdselsområdet, er også lagt til denne seksjonen.

Arbeidsoppgåver

Transportplanseksjonen ved avdeling for mobilitet og kollektivtransport søkjer no etter ein engasjert og fagleg sterk seniorrådgjevar/rådgjevar. Du vil vere med å forme kollektivtilbodet og transportutviklinga i Bergensområdet og Vestland, og du vil ha arbeidsoppgåver knytt til oppfølging og koordinering av fylkeskommunen sine interesser i Miljøløftet, planlegging av større og mindre kollektivinfrastruktur, og gjennomføring av regional plan for areal- og mobilitet.  

Du vil også kunne få oppgåver knytt til oppfølging av analyse- og utgreiingsoppgåver innanfor samferdsleområdet og oppfølging av forskingsprosjekt. Du vil jobbe tett saman med medarbeidarar, kommunar, statlege etatar og andre aktørar. 

Viktige arbeidsoppgåver vil vere:

• Planlegging og oppfølging av kollektivinfrastruktur, inkludert haldeplassar, knutepunkt, korridorar og tilrettelegging for buss og bane 
  
• Følgje opp Miljøløftet gjennom deltaking i arbeidsgrupper eller liknande 
  
• Følgje opp regional plan for areal og mobilitet med tilhøyrande handlingsprogram 
  
• Utarbeide saksframlegg, rapportar og presentasjonar for politiske og administrative organ 

Kvalifikasjonar

Vi ser etter deg som har:

• Høgare utdanning på masternivå innanfor samferdsel, arealplanlegging, byplanlegging, samfunnsgeografi, ingeniørfag (veg/trafikk) eller andre relevante fagområde
• God skriftleg og munnleg framstillingsevne på norsk

I tillegg er det fint om du har:

• Erfaring med og god kunnskap om samferdsleområdet
• Kunnskap om kollektivtransport og infrastruktur 
• Kjennskap til plan- og bygningslova og det kommunale og regionale plansystemet 
• Erfaring med eller god kjennskap til bypakkar, byvekstavtalar og nullvekstmålet
• Erfaring med prosjektleiing eller koordinering av tverrfaglege grupper
• God skriftleg framstillingsevne på nynorsk

Personlege eigenskapar

• Resultatorientert og initiativrik
• Strukturert og sjølvstendig
• Gode analytiske eigenskapar
• Har gode samarbeids- og kommunikasjonsevner og kan formidle fagleg komplekse tema til ulike målgrupper 
• Har stor arbeidskapasitet og evne til å handtera fleire oppgåver samstundes
• Du må trivast med utadretta kontakt og må kunna kommunisera godt
• Vi søkjer etter deg som er målretta, og som både kan arbeida sjølvstendig og i samarbeid med andre
• Du evnar å sjå heilskaplege samanhengar mellom areal, transport og kollektivtilbod 
  
  

Vi tilbyr

• Eit spennande og utfordrande fagleg miljø innan eit stort og viktig samfunnsområde
• Eit godt arbeidsmiljø
• Gode offentlege pensjons- og forsikringsvilkår
• Fleksibel arbeidstidsordning med moglegheit for delvis heimekontor
• Lønn etter avtale
  

Kontaktinformasjon

Hans-Christian Engum, konst.seksjonsleiar, 97147848, hans-christian.engum@vlfk.no

Arbeidsstad

Lars Hilles gate 22
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5158524052
Stillingsprosent: 100%
Fast
Søknadsfrist: 30.08.2026