Lege i kliniske studiar

Lege i kliniske studiar innan Parkinsons sjukdom og relaterte rørslesjukdommar ved Neuro-SysMed / ICoN og Nevrologisk avdeling, Haukeland universitetssjukehus

Vil du arbeide med kliniske studiar i eit internasjonalt leiande fagmiljø innan Parkinsons sjukdom, parkinsonismar og andre nevrodegenerative sjukdommar?
Ved Neuro-SysMed senteret, ICoN (Innovation Center for Neuroresilience), og nevrologisk avdeling,ved Haukeland universitetssjukehus lyser vi ut 1-2 særleg spennande stillingar for leger med interesse for kliniske studiar og nevrodegenerative sjukdommar. Vi søkjer først og fremst etter dyktige og motiverte legar som ønskjer å arbeide med gjennomføring av kliniske studiar i eit verdsleiande forskingsmiljø innan rørslesjukdommar. Vi er opne for ulike løysingar, avhengig av kandidaten sin bakgrunn, kompetanse og ønskje:

• éi 100% stilling knytt til Neuro-SysMed / ICoN, eller

• to 50% stillingar i kombinasjon mellom Neuro-SysMed/ ICoN og Nevrologisk avdeling

Stillinga/stillingane kan passe både for:

• lege i spesialisering innan nevrologi

• spesialist i nevrologi / overlege

Kandidaten må ha fullført LIS1 For kandidatar som blir tilsette i kombinerte stillingar, vil den kliniske delen ved Nevrologisk avdeling kunne tilpassast kompetansenivået til den som blir tilsett, til dømes som del av vidare spesialisering eller som overlegestilling for ferdige spesialistar. Tilsetjinga er i første omgang tidsavgrensa, med moglegheit for forlenging.

Om Neuro-SysMed og ICoN
Neuro-SysMed er eit forskingssenter for klinisk behandling i nevrologi. Senteret er internasjonalt leiande innan kliniske og translasjonelle studiar av nevrodegenerative sjukdommar, med særleg styrke innan biomarkørutvikling og utprøving av nye behandlingar. ICoN (Innovation Center for Neuroresilience) er eit nytt og ambisiøst senter for forskingsdrevet innovasjon (SFI), med mål om å utvikle nye strategiar for tidleg diagnostikk, presisjonsmedisin og førebygging innan nevrodegenerative sjukdommar. Hos oss får du arbeide med nokre av dei mest spennande kliniske studiane i feltet, i eit miljø som kombinerer høg vitskapleg kvalitet, internasjonalt samarbeid og tett kopling til klinisk praksis. Sentra er leia av professor og overlege Charalampos Tzoulis.

Meir informasjon om Neuro-SysMed: https://neuro-sysmed.no/ Parkinson-gruppe: https://decode-pd.org/

Om nevrologisk avdeling
Nevrologisk avdeling er ei stor og aktiv avdeling med brei klinisk verksemd innan diagnostikk, behandling og oppfølging av nevrologiske sjukdommar. Avdelinga har eit sterkt fagmiljø og omfattande forskingsaktivitet, og samarbeider tett med andre relevante einingar i sjukehuset. For kandidatar i kombinerte stillingar vil dette gi høve til å kombinere arbeid i kliniske studiar med klinisk teneste i ei av landet sine fremste nevrologiske avdelingar. Dette gir gode moglegheiter både for fagleg utvikling, vidare spesialisering og opparbeiding av spisskompetanse innan rørslesjukdommar

Arbeidsoppgåver

Dette er ei stilling for deg som ønskjer å vere tett på utviklinga av framtidas behandling for Parkinsons sjukdom og relaterte tilstandar. Hovudoppgåva vil vere å bidra til planlegging, koordinering og, hovudsakeleg, gjennomføring av kliniske studiar. Vi søkjer etter ein lege som vil vere ein sentral del av det kliniske studieteamet og bidra aktivt i den daglege drifta av studiane. Vi søkjer etter ein lege som vil vere ein sentral del av det kliniske studieteamet og bidra aktivt i den daglege drifta av studiane. Samstundes vil det vere gode moglegheiter for vidare akademisk utvikling for den som på sikt ønskjer dette.

Du vil arbeide tett saman med erfarne klinikarar, forskarar, studiesjukepleiarar, prosjektkoordinatorar og andre fagpersonar i eit tverrfagleg og internasjonalt miljø. Oppfølging av studiepasientar vil vere ein del av den polikliniske verksemda ved Nevrologisk avdeling.

Arbeidet vil særleg vere knytt til studiar innan:

• Parkinsons sjukdom
• atypiske parkinsonismar
• prodromale synucleinopatier, inkludert REM-søvn atferdsforstyrring (RBD)

Det kan òg vere aktuelt å bidra i studiar innan andre sjukdomsområde ved Neuro-SysMed / ICoN. Arbeidsoppgåver: Arbeidsoppgåvene vil kunne variere noko etter stillingsprosent, kompetanse og erfaring, men vil typisk omfatte:

• deltaking i planlegging og gjennomføring av kliniske studiar
• vurdering, inklusjon og oppfølging av studiedeltakarar
• kliniske undersøkingar og datainnsamling i forskingsprosjekt ved bruk av etablerte skalaer (for eksempel MDS-UPDSR, MoCA, NMS, etc)
• samarbeid med studiesjukepleiarar, prosjektkoordinatorar og forskarar
• bidrag til studieprotokollar, regulatoriske søknader (CTIS), søknader til etisk komité (REK) og praktisk studieorganisering
• dokumentasjon og arbeid i tråd med gjeldande krav til kvalitet og forskingsgjennomføring
• deltaking i faglege møte og vidare utvikling av studieporteføljen
• for kombinerte stillingar: klinisk arbeid ved Nevrologisk avdeling, tilpassa kandidaten sitt nivå og avdelinga sine behov
• for kandidatar med forskingsinteresse kan det også vere aktuelt å bidra til analysearbeid, abstrakt, artiklar og fagleg utviklingsarbeid.

Kvalifikasjonar

Nødvendige kvalifikasjonar, ferdigheiter og erfaring (påkravd):

• norsk autorisasjon som lege
• fullført LIS1
• gode norskkunnskapar, skriftleg og munnleg
• gode engelskkunnskapar, skriftleg og munnleg
  

Det er ein fordel om du har:

• erfaring innan nevrologi • erfaring med Parkinsons sjukdom, parkinsonismar eller andre nevrodegenerative sjukdommar
• erfaring frå kliniske studiar eller anna systematisk klinisk arbeid
• erfaring frå sjukehusarbeid og pasientoppfølging

Personlege eigenskapar

Vi ser etter deg som:

• har stor interesse for kliniske studiar og nevrodegenerative sjukdommar
• er strukturert, ansvarsmedviten og får ting gjennomført
• trivst i eit aktivt og ambisiøst arbeidsmiljø
• samarbeider godt med andre og bidreg positivt til arbeidsmiljøet
• har høg arbeidskapasitet og god gjennomføringsevne
• er sjølvstendig, men også ein sterk lagspelar
• ønskjer å vere med og byggje noko viktig over tid Personleg eignaheit vil bli tillagd stor vekt

Vi tilbyr

• ei sjeldan moglegheit til å arbeide med kliniske studiar i eit internasjonalt leiande miljø
• deltaking i utvikling og gjennomføring av studiar som kan forme framtidas behandling for Parkinsons sjukdom og relaterte lidingar
• tett samarbeid med sterke kliniske og vitskaplege fagmiljø ved Haukeland universitetssjukehus og Universitetet i Bergen
• gode moglegheiter for fagleg utvikling innan rørslesjukdommar og kliniske studiar
• moglegheit for kombinasjon med klinisk teneste ved Nevrologisk avdeling
• moglegheit for vidare akademisk utvikling for kandidatar som seinare ønskjer dette
• løn etter gjeldande avtalar
• medlemskap i KLP
• Haukeland universitetssjukehus er ein IA-arbeidsgjevar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Yamila Nicole Torres Cleuren, Seksjonsleiar, 90402735

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5148756972
Stillingsprosent: 100%
Fast
Søknadsfrist: 14.08.2026