100 % svangerskapsvikariat som helsefagarbeidar -- med hovudvekt på natt

Helse- og omsorgstenesta i Vågå kommune har ledig 100 % svangerskapsvikariat som helsefagarbeidar i Heimetenesta, der 57 % av stillinga er knytt til nattarbeid. Resterande del av stillinga inngår i ordinær turnus med arbeid på dag.

Vi har stort fokus på å nytte rett kompetanse på rett stad og arbeider aktivt for å utvikle berekraftige tenester med høg fagleg kvalitet. Vi søkjer deg som ønskjer å vere med på dette viktige arbeidet.

Arbeidsstad: For tiden i Heimetenesta i Vågå kommune. Nattvaktene inngår i det felles nattevaktsteamet med tilhaldsstad ved Vågåheimen.

Kvifor velje å arbeide i heimetenesta nettopp i Vågå kommune? Vi ønskjer å vere ein attraktiv arbeidsplass og tilbyr fleire ordningar som kan gjere det lettare å etablere seg og utvikle seg fagleg hos oss.

• Kandidatar med relevant helseutdanning som arbeider i turnus, blir lønsplasserte med minimum 8 års ansiennitet.

• Vi kan vere behjelpelege med å finne mellombels bustad ved oppstart.

• *Gjennom den nasjonale ordninga for sletting av studiegjeld i distriktskommunar kan du, dersom du bur i Vågå og oppfyller vilkåra, søkje om å få sletta inntil 25 000 kroner av studielånet ditt kvart år.*Les meir på nettsidene til Lånekassen.

• Ønskjer du å ta relevant utdanning ved sidan av arbeid, kan vi tilby stipendordningar som støttar dette.

• Du får ei god tenestepensjonsordning gjennom KLP, som gir økonomisk tryggleik både medan du er i arbeid og som pensjonist.

Arbeidsoppgåver

•Ordinære oppgåver ut frå profesjon som helsefagarbeidar

•Ivaretaking av pasientar og brukarar på natt

•Observasjon, vurdering og oppfølging av pasientar

•Dokumentasjon og journalføring

•Samarbeid med pårørande og andre samarbeidspartnarar

•Tverrfagleg samarbeid med fokus på gode pasientforløp

•Bidra til fagutvikling og kvalitetsforbetring i tenesta

Kvalifikasjonar

•Autorisasjon som helsefagarbeidar (hjelpepleiar eller omsorgsarbeidar)

•Relevant erfaring frå helse- og omsorgstenester er ønskjeleg

•Gode norskkunnskapar, både munnleg og skriftleg (minimum nivå B1)

•God fagleg innsikt og tryggleik i yrkesutøvinga

•Førarkort klasse B

Vi ser etter deg som

•Er fagleg engasjert og oppteken av kvalitet

•Tek ansvar og arbeider sjølvstendig

•Har gode samarbeids- og kommunikasjonsevner

•Er fleksibel og løysingsorientert

•Bidreg til eit positivt arbeidsmiljø

•Er trygg i møte med brukarar, pårørande og kollegaer

•Meistrar både sjølvstendig arbeid og arbeid i team

Personleg eignaheit blir tillagt stor vekt.

Om nattstillinga

Tenesteområdet har eit felles nattevaktsteam der tre tilsette er stasjonerte ved Vågåheimen og ein tilsett er stasjonert i Heimetenesta. Alle har tilhaldsstad ved Vågåheimen.

Denne stillinga inneheld 57 % nattevakter og er spesielt godt eigna for deg som trivst med sjølvstendig arbeid, kliniske vurderingar og tett samarbeid med nattevaktsteamet.

Vi tilbyr

•100 % svangerskap vikariat ut 2027

•Eit utfordrande og spennande arbeidsfelt i utvikling

•Eit godt fagmiljø med dyktige og erfarne kollegaer

•Tverrfagleg samarbeid

•Kompetanseheving og fagleg utvikling

•Moglegheit til å påverke utviklinga av framtidas helse- og omsorgstenester

Tilsetjing skjer på dei vilkår som går fram av gjeldande lover, reglar og tariffavtalar.

Det vert kravd tilfredsstillande politiattest før tilsetjing

Om Helse og omsorg i Vågå kommune

Helse og omsorg omfattar Heimetenesta og Vågåheimen. Heimetenesta organiserer heimesjukepleie, heildøgns omsorgsbustader, dagtilbod for personar med demens og dagaktivitet for heimebuande. Vågåheimen omfattar korttids- og langtidsplassar, demensomsorg.

Vi har stort søkeljos på fagutvikling, kvalitetsforbetring og velferdsteknologiske løysingar. Med byggeprosjekt ved Vågåheimen og kontinuerleg kompetanseheving er dette ei spennande tid å bli ein del av tenesteområdet på.

Vågå kommune oppmodar kvalifiserte kandidatar til å søkje uavhengig av alder, kjønn, funksjonsevne, etnisitet eller nasjonal bakgrunn.

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Offentleglova § 25. Du vil i tilfelle bli varsla om dette på førehand.