Fagarbeidar på Fedje skule (vikar 100% )

Om stillinga

Me søkjer fagarbeidar til Fedje skule i inntil 100% vikariat fram til 31.07.26 med mogleg forlenging. 

Fedje skule er ein fådelt skule med elevar frå 1. til 10. trinn. Skulen har eit godt og inkluderande læringsmiljø. Inneverande skuleår har me fokus på vidare arbeid knytt til oppfølgingsordninga med mellom anna fokus på lesing.

Fedje skule har eit tett samarbeid med barnehagen i kommunen gjennom arbeid med prosjektet «inkluderande barnehage og skulemiljø».  Det vil kunne være aktuelt å arbeide i Fedje barnehage i periodar der det er behov for å auke ressursar i barnehagen.

Arbeidsoppgåver

• Gje borna omsorg og tryggleik
• Vere ein god rettleiar i leik, aktivitetar og situasjonar som oppstår
• Delta i det praktiske arbeidet
• Følgje opp enkeltborn med små og store hjelpebehov
• Du er aktiv i samarbeid med kontaktlærar, lærar, andre pedagogiske leiarar, andre tilsette og føresette
• Du bidrar aktivt i arbeidet med å sikre skulen si drift, på tvers av avdelingar, SFO og klassar
• Du samarbeider med PPT, helsesjukepleiar og andre instansar som er involvert i arbeid med borna
• Som assistent eller fagarbeidar kan du bli tillagt ansvar for oppfølging av enkeltbarn eller barnegrupper med dei samarbeidsoppgåvene og særskilte behov det inneber

Kvalifikasjonskrav

• Fagbrev barne- og ungdomsarbeidarfaget
• Norsk kunnskapar på minst nivå B1
• Det er krav om at det vert lagt fram politiattest før tilsetjing, frå personar som i sitt arbeid er i kontakt med barn – vi viser til lovheimel som gjeld for stillinga.

Dersom ein ikkje får søkjarar med fagbrev barn og ungdom vil ein vurdere å tilsetje andre søkjarar utan formell kompetanse.

Personlege eigenskaper

• Genuint opptatt av barn og interessert i barns utvikling og medverknad.
• Er engasjert og fleksibel
• Har erfaring med barn med spesielle behov
• Er ein tydelig "vaksenperson"
• Jobbar målretta, men har evne til å improvisere og ivareta borna sine uttrykk og innspel
• Er god på å tenke løysningar og sjå moglegheiter
• Du er profesjonell, lydhøyr og tillitsvekkande i møte med føresette. 
• Du er sjølvstendig, ser oppgåver som må løysast og tar ansvar.
   

Me tilbyr

• Ein liten skule med små grupper, der du som vaksen kjem tett på barna.
• Løn etter gjeldande avtaleverk
• Moderne, digitale løysningar.
• Tilgang til symjehall og fleirbrukshall 
• Gratis barnehage
• Hjelp til å finne bustad
• Ei av Norges beste pensjonsordningar i KLP
• Du vil bli ein del av eit godt og inkluderande arbeidsmiljø, som tek godt imot nytilsette.

Velkommen til oss!

Fedje - landsbyen i havet

To timer med bil frå Bergen finner du Fedje, landsbyen i havet.

Video: https://www.youtube.com/watch?v=ocTUJe9wMDo