Rådgjevar ved politisk sekretariat

Om stillinga

Austevoll kommune har ledig ei spennande stilling som rådgjevar for politisk sekretariat. Vi er på jakt etter ein person som har interesse for politikk, lokaldemokrati og forvaltning. Som rådgjevar for politisk sekretariat vil du få ansvaret for å legge best mogleg til rette for den politiske aktiviteten i Austevoll kommune. Det er viktig at lokalpolitikarane har gode system og rammer for å kunne ta avgjersler til beste for innbyggjarane. Austevoll kommune er under omstilling, arbeids- og ansvarsområde kan derfor bli endra. Stillinga er for tida organisatorisk plassert i kommunedirektøren sin stab. Administrasjonsmålet vårt er nynorsk.

Arbeids- og ansvarsområde

• Bidra aktivt i planlegging, gjennomføring og oppfølging av all politisk møteaktivitet, med ansvar for dokumenthandtering, innkallingar, føring av referat og oppfølging av politiske vedtak etter møta.
• Utarbeide og følgje opp rutinar og system for den politiske aktiviteten
• Støtte politisk leiing og andre folkevalde med ulike oppgåver som er knytt til deira politiske verv. 
• Gje råd og rettleiing knytt til politisk saksbehandling og oppfølging av reglement. 
• Ha tett dialog med administrative leiarar og saksbehandlarar knytt til den politiske møteaktiviteten.
• Gjennomføre administrative oppgåver som ligg til sekretariatet, eks handtering av reiserekningar og møtegodtgjersle. I tillegg hjelpe politikarar med til dømes e-post, dokumenthandtering, møteplanlegging og liknande.
• Bidra til å informere om den politiske aktiviteten både til innbyggjarane og internt i kommunen, til dømes gjennom nettsider eller andre kanalar.
• Bidra i gjennomføring av stortingsval og kommuneval
• Gjennomføre saksbehandling til råd, utval og kommunestyret. 
• Organisasjonen er i utvikling, og endringar i ansvar og arbeidsoppgåver kan verta aktuelt. 
• Deltaking i politiske møter o.a. utanom normalarbeidstid må påreknast.

Om arbeidsstaden

Administrasjonen i kommunen held til i lyse og fine lokale på Storebø, berre fem minuttar med køyring frå Hufthamar ferjekai. På kommunehuset er vi omlag 50 tilsette som bidrar med ulike arbeidsoppgåver for å levere gode tenester til innbyggjarane våre. 

Kvalifikasjonskrav

• Relevant høgare utdanning. Relevant praksis og lang erfaring innan arbeidsfeltet kan kompensera for utdanningskravet. 
• God kjennskap til kommunal forvaltning 
• Erfaring frå offentleg forvaltning/kommunal sektor er ønskeleg. 
• God rolleforståing og kjennskap til forholdet mellom politikk og administrasjon
• Fordel med god kjennskap til IT-system som vert nytta i kommunesektoren, helst med brukarerfaring. 
• Fordel med god kjennskap til forvaltningslova, forvaltningslova og vallova

Personlege eigenskaper:

• Du har interesse for politikk, lokaldemokrati og forvaltning
• Du må kunne arbeide strukturert i ein hektisk arbeidskvardag. 
• Du er sjølvstendig og ansvarsbevisst.
• Du har gode samarbeidsevner, og har god skriftleg og munnleg framstillingsevne.
• Du har ein trygg og tillitsskapande framferd
• Du er serviceinnstilt, fleksibel og effektiv i arbeidet. 

Vi tilbyr

• Moglegheit for fagleg utvikling i eit godt og positivt arbeidsmiljø 
• Spanande utfordringar 
• Løn etter kvalifikasjonar. Kvalifiserte tilsette med masterutdanning vil få stillingskode rådgjevar. 
• Gode pensjons – og forsikringsordningar 

Slik søkjer du

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.

Søknader kan ikkje sendast på e-post til enkeltpersonar i kommunen.

Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.