Miljøkoordinator - 60 % vikariat

Firda vidaregåande skule ligg i kommunesenteret Sandane i Gloppen kommune, sentralt i Nordfjord, ved E39 og 10 km frå flyplass. Skulen har om lag 370 elevar skuleåret 25/26 og om lag 70 tilsette. Om lag 270 elevar er fordelt på utdanningsprogramma våre: studiespesialiserande, idrett, musikk, dans og drama. Rundt 50% av elevane bur på hybel. Dei siste åra har skulen hatt ei sentral rolle i å utvikle gode opplæringstilbod for vaksne både gjennom Gloppenmodellen og i samarbeid med Nettskulen i Vestland fylkeskommune. Skuleåret 26/26 har vi om lag 100 elevar innanfor vaksenopplæringa.

Miljøkoordinator er tilsett i samband med Open skule som er eit tilbod for elevane når undervisninga er over, tre ettermiddagar i veka. Her kan elevane kome for å vere. Open skule har ulike aktivitetstilbod. Aktivitetane kjem til i eit samspel mellom vaksne og elevar. Open skule har bordtennis, biljard, playstation og mange brettspel. Idrettshallen vert òg nytta til ulike aktivitetar som klatring og volleyball. I tillegg er det matservering på Open skule. Ein dag middag, ein dag kvelds og ein tredje dag med litt forskjellig på menyen.

Frå snarast og til 19.06.2026 har vi ledig 60 % vikariat som miljøkoordinator.

 

Arbeidsoppgåver

Vi søkjer etter ein person som kan vere med å drive open skule tilbodet ved Firda vgs, og som kan vere eit bindeledd mellom skulekvardag og ettermiddagstid for elevane. Den som vert tilsett må rekne med arbeidstid lagt til kveldstid.

Det er ynskjeleg at personen som vert tilsett har bakgrunn frå arbeid med ungdom. 

Kvalifikasjonar

Vi søkjer etter personar med høgare utdanning eller erfaring i arbeid med ungdom.

Personlege eigenskapar

- Du har eit sterkt engasjement der elevane er i sentrum

- Du er ein trygg, tydeleg og varm vaksen

- Du er opptatt av eleven sitt beste

- Du har kompetanse i å skape gode relasjonar til elevar og kollegaer

- Du er positiv, fleksibel, interessert og finn motivasjon i eiga læring og utvikling

- Du reflekterer over praksisen din, vala du tek, og kan diskutere dei med andre

- Du bidreg til å skape eit godt skule- og arbeidsmiljø

Vi tilbyr

- Løn og lønsutvikling i tråd med Vestland fylkeskommune sin lønspolitikk 
- Pensjons- og forsikringsordningar 
- Godt fag- og arbeidsmiljø

Meir informasjon om skulen finn du på nettsida, www.firda.vgs.no. Det blir teke atterhald om tilsetjing då overtalige ved andre skular kan ha førerett til stillingane. Det blir òg teke atterhald i forhold til endringar i stillingsplanarbeidet.

Søknad sender du ved å bruke elektronisk søknadsskjema. Gje opp minst to referansar.Ta med attestar til eit eventuelt intervju.
Den tilsette må legge fram politiattest av ny dato.

Søknadsfrist 05.10.2025. Oppstart: snarast.

Nærare opplysningar om stillinga får du ved å vende deg til avdelingsleiar Oddvar Aalde tlf 481 06 825 eller rektor Tove Hanne Ommedal tlf 930 93 933 

Kontaktinformasjon

Tove Hanne Ommedal, rektor, 93093933

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5019976538
Stillingsprosent: 60%
Vikar
Startdato: 06.10.2025
Sluttdato: 19.06.2026
Søknadsfrist: 05.10.2025