2. gongs utlysing

Vil du bidra til reine, trygge og trivelege bygg? 

Reinhaldssentralen i Fjaler kommune søkjer tre engasjerte og pålitelege reinhaldsoperatørar til faste stillingar, med oppstart januar 2027. Vi søkjer òg etter tilkallingsvikarar ved sjukefråvær til våre lokasjonar i Våge, Flekke og Dale.

Vi ønskjer søkjarar med fagbrev som reinhaldsoperatør og erfaring frå reinhaldsarbeid, men søkjarar utan fagbrev og relevant erfaring kan òg bli vurderte. Vi ser etter deg som har interesse for reinhaldsarbeid, er motivert for å lære og ønskjer å bidra til reine, trygge og trivelege bygg.

Vi har ledig:

• 100 % fast stilling - for tida er arbeidstid måndag–fredag kl. 06.00–13.30. 

• 50 % fast stilling - for tida er arbeidstid frå kl. 06.00 måndag til fredag. Stillinga inneber for tida arbeid fem dagar i veka.

• 50 % fast stilling - for tida er arbeidstid frå kl. 06.30 måndag til fredag. Stillinga inneber for tida arbeid fem dagar i veka.
  
  
• Vi søkjer òg etter tilkallingsvikar ved sjukefråvær til våre lokasjonar i Våge, Flekke og Dale

I søknaden ber vi deg opplyse kva for ei eller fleire av stillingane du søkjer på.

Arbeidsoppgåver

• Dagleg og periodisk reinhald
• Vedlikehald og behandling av golv
• Hovudreinhald
• Reinhald på ulike lokasjonar i kommunen
• Handtering og transport av reinhaldsutstyr og varer
• Andre oppgåver innan reinhaldsfaget

Arbeidet er fysisk og inneber mellom anna mykje gåing i løpet av arbeidsdagen, å gå i trapper og å handtere og transportere reinhaldsutstyr og varer.

Kvalifikasjonar

• Fagbrev som reinhaldsoperatør er ønskjeleg
• Erfaring frå reinhaldsarbeid er ønskjeleg
• Søkjarar utan fagbrev og relevant erfaring kan òg bli vurderte
• Interesse for reinhaldsarbeid og motivasjon for å lære
• Minimum B1-nivå i norsk, både skriftleg og munnleg
• Du må ha fylt 18 år
• For den 100 % faste stillinga er det krav om førarkort klasse B og tilgang til bil.

For den 100 % faste stillinga er det ein fordel med erfaring frå reinhaldsarbeid, gjerne frå helse- og omsorgsinstitusjon.

Dersom det skulle bli aktuelt med arbeid i skule eller barnehage, vil det vere krav om politiattest i samsvar med gjeldande regelverk.

Personlege eigenskapar

Vi ser etter deg som:

• er løysingsorientert og påliteleg
• arbeider nøyaktig og sjølvstendig, og har auge for detaljar
• trivst med varierte og fysisk krevjande arbeidsoppgåver
• er serviceinnstilt og samarbeider godt med andre
• er fleksibel når det gjeld arbeidsoppgåver, arbeidstid og arbeidsstad ut frå behov i tenesta
• bidreg til eit godt arbeidsmiljø og tek initiativ når det trengst

Vi legg vekt på at du er personleg eigna til stillinga.

Vi tilbyr

• Løn etter tariff
• 10 000 kroner i fast tillegg på toppen av grunnløna for reinhaldsoperatør
• Gode pensjons- og forsikringsordningar
• Godt arbeidsmiljø med trivelege kollegaer
• Moglegheit for tilrettelegging slik at du kan ta fagbrev som reinhaldsoperatør parallelt med arbeidet

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekkje søknaden sin før søkjarliste vert gjort offentleg.
 

Vil du vite meir om korleis det er å bu og leve i regionen vår? 

Bli kjend med moglegheitene i regionen, og korleis du kan bu, jobbe og leve eit godt liv her. Sjekk ut nettsida regionsunnfjord.no