Rådgjevar

Vestland fylkeskommune har ansvar for å utvikle regionen Vestland fylke, og har mange ulike ansvarsområde. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for verdiskaping, næringsutvikling, fritidsopplevingar, klima og kultur. Som del av eit nasjonalt og globalt samfunn har vi ansvar for å ta vare på fortida, notida og framtida i Vestland fylke. Fylkestinget er øvste politiske organ i fylkeskommunen.

Avdeling for Mobilitet - og kollektivtransport (MOK) har det overordna ansvaret for å ivareta og utvikle eit framtidsretta, miljøvenleg og effektivt mobilitets- og kollektivtilbod for innbyggjarane i Vestland fylke. Avdelinga har no ei ledig stilling som rådgjevar ved seksjon for transportplanlegging. 

Transportplanseksjonen har ansvaret for overordna fylkeskommunal samferdselsplanlegging, samt deltaking i og oppfølging av statleg planlegging innanfor transportområdet. Arbeidet med Byvekstavtalen for bergensområdet, deltaking i Miljøløftet, heilskapleg satsing på berekraftig mobilitet og utarbeiding av regional transportplan er hovudoppgåvene til transportplanseksjonen. Utarbeiding av uttalelser til offentlige planer, samt innspill til nasjonalt regelverk og rammevilkår innen samferdselsområdet, er også lagt til denne seksjonen.

Arbeidsoppgåver

Vår nye rådgjevar vil ha arbeidsoppgåver knytt til tett oppfølging og koordinering av fylkeskommunen sine interesser inn mot Miljøløftet, og førebuande arbeid knytt til rullering av regional transportplan.

Du vil også ha ulike analyse- og utgreiingsoppgåver innanfor samferdsleområdet, oppfølging av forskingsprosjekt samt bidra til generell kollektiv- og samferdsleplanlegging.

Kvalifikasjonar

Vi ser etter deg som har

• høgare utdanning på masternivå innan fagområde som til dømes sivilingeniør eller samfunnsvitskaplege fag 
• røynsle med og god kunnskap om samferdsleområdet
• erfaring med prosjektleiing og planlegging av kollektivinfrastruktur, og særleg bybanen vil bli vektlagt

Personlege eigenskapar

Vi treng deg som

• er resultatorientert og initiativrik
• har gode analytiske eigenskapar
• har stor arbeidskapasitet og evne til å handtere fleire oppgåver samstundes
• trivst med utadretta kontakt og må kunne kommunisera godt med brukarar og samarbeidspartar
• er målretta, og som både kan arbeida sjølvstendig og i samarbeid med andre

Vi tilbyr

• Eit spennande og utfordrande fagleg miljø innan eit stort og viktig samfunnsområde
• Eit godt arbeidsmiljø
• Gode offentlege pensjons- og forsikringsvilkår
• Fleksibel arbeidstidsordning med moglegheit for delvis heimekontor
• Lønn etter avtale

Andre opplysningar

• Administrasjonsmålet i Vestland fylkeskommune er nynorsk
• Arbeidsstad for stillinga er i Bergen 
• Alle nye tilsettingar vert gjort med ei prøvetid på 6 månader
• Kvalifiserte søkarar utan mastergrad kan og bli vurdert, men då vil stillingstittel bli justert i samsvar med kvalifikasjonar
• Vi gjer merksam på at i følgje offentleglova § 25,2.ledd kan opplysningar om søkjaren verte offentleggjort, sjølv om søkjaren har oppmoda om ikkje å bli ført opp på offentleg søkjarliste. Søkjar som har bedt om unntak, vil alltid bli varsla på førehand dersom søkjarlista vert offentleggjort.   

Kontaktinformasjon

Torill Klinker, seksjonsleiar transportplan, torill.klinker@vlfk.no

Arbeidsstad

 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5025192962
Stillingsprosent: 100%
Fast
Søknadsfrist: 23.10.2025