Byggjeleiar Hardanger

Avdelinga for infrastruktur og veg i Vestland fylkeskommune har ansvar for om lag 5600 km fylkesveg. Vi arbeider for trygge kvardagsvegar og vi skal planlegge og bygge vegane våre slik at dei er sikre og tilpassa framtida. Vi er ein stor byggherre innan samferdsle og har mange spennande investerings- og vedlikehaldsprosjekt i åra som kjem. 

Visjonen vår er å tilby eit effektivt, tilgjengeleg, sikkert og miljøvennleg vegsystem som dekkjer samfunnet sitt behov for transport, og fremjar regional utvikling.

Til seksjon vegbygging sør søkjer me no byggjeleiar til ulike prosjekt, hovudsakleg i Hardangerområdet. 

Arbeidsoppgåver

Som byggeleiar hjå oss vil du få ansvar for å følge opp utbyggingsprosjekt/vedlikehaldsprosjekt og du vil jobbe tett saman med prosjektleiarar, andre byggeleiarar og kontrollingeniørar.

Ansvarsområder vil vere:

• Teknisk og økonomisk hovudansvar for gjennomføring og evaluering av kontrakten/prosjektet
• Følge opp og rapportere på økonomi, kvalitet, fremdrift og HMS på eigne prosjekt
• Arbeid med utarbeiding av konkurransegrunnlag
• Arbeidsleiing av kontrollingeniørar
• Koordinere arbeidet med andre faggrupper og etatar
• Ansvarleg for kontakt med offentlege etatar, grunneigarar og andre som vert berørd av anleggsarbeidet
• Bistå i reguleringsplanar, byggeplaner/detaljplaner

Kvalifikasjonar

Du har relevant høgare utdanning. Dersom du har teknisk fagskule og sterk og relevant erfaring,  kan vi sjå bort frå utdanningskravet.

Det er ein fordel med erfaring frå vegbygging og/eller samferdselsprosjekt og statens vegvesen sin prosesskode.

Erfaring frå byggeledelse og/eller anleggsprosjekt med ulike entrepriseformer vil bli vektlagt.

Du har god norsk munnleg og skriftleg framstillingsevne og førarkort kl. B. Du må også ha god kompetanse i å nytte IKT- verktøy.

Personlege eigenskapar

Du evnar å arbeide sjølvstendig og har god gjennomføringsevne. Du er strukturert og handterer godt ein kompleks og variert arbeidskvardag. Du er engasjert i arbeidet ditt og fagområdet, og du bidreg fagleg og sosialt til eit godt arbeidsmiljø. 

Stillinga inneber mykje kontakt med relevante samarbeidspartar, både internt og eksternt, og det er difor viktig at du er god på og kan trivast i samhandling med andre.

Vi tilbyr

Våre verdiar ; kompetent, modig og open og visjonen nyskapande og berekraftig er viktige for oss og skal vere ei rettesnor for alt vi gjer.

Du blir ein del av eit sterkt tverrfagleg miljø og vil ha varierte arbeidskvardagar og meiningsfulle arbeidsoppgåver, med gode moglegheiter for fagleg påverknad og utvikling. Arbeidsmiljøet vårt er uformelt og vi har det kjekt saman på jobb. Vi er opptatt av å hjelpe og støtte kvarandre, på den måten får vi det beste ut av kvarandre og skaper engasjement. 

I tillegg får du mellom anna:

• gode offentlege pensjons- og forsikringsordningar
• løn etter avtale
• tilgang på tenestebil.

Kontaktinformasjon

Kathrine Løno Lahlum, seksjonsleiar, 95055252, kathrine.lono.lahlum@vlfk.no

Arbeidsstad

Røldalsvegen
5750 Odda

Nøkkelinformasjon:

Arbeidsgivar: Vestland fylkeskommune

Referansenr.: 5018568574
Stillingsprosent: 100%
Fast
Søknadsfrist: 12.10.2025