Dag og Tid søkjer studentmedarbeidar for CRM, datakvalitet og automatisering (20--40 %)

Arbeidsstad: Oslo + fleksibelt fjernarbeid

Dag og Tid er ei uavhengig nynorsk vekeavis som i mange år har hatt sterk organisk vekst. Vi er no blant pionerane i bransjen på bruk av CRM og marknadsføringsautomatisering, og vi søkjer ein masterstudent som vil vere med å ta dette til neste nivå.

Om stillinga

Nokre av oppgåvene er rutineprega (som å sjekke at abonnentar er registrerte i rett HubSpot-workflow), men du får òg høve til å spele detektiv: finne ut korleis du kan automatisere desse rutinane og kvifor ting ikkje fungerer som dei skal. Du kan kome med forslag til betre prosessar, og bidra til at abonnentane våre får ei betre oppleving og at vi blir stadig meir effektive.

Du vil få opplæring i marknadsføringsautomatisering, no-code-plattformer som Make.com, og KI-integrasjonar -- og du får reell høve til å bruke dei i praksis.

Vi tenkjer det er ei attraktiv stilling både i forhold til relevant erfaring, løn og fleksibilitet. Vi kjem ikkje til å mikrostyre korleis du gjer jobben din. Samstundes har vi høge forventningar til kva du leverer.

Arbeidsoppgåver

· Arbeide med CRM (HubSpot): segment, nyhendebrev, datavask og deduplisering

· Følgje opp at abonnentar er i rett workflow, analysere avvik og utvikle forbetringar

· Køyre enkle spørjingar i MySQL (ordrehistorikk, rapportar -- opplæring vert gitt)

· Framlegg, oppsett og oppfølging av A/B-testar

· Lage rapportar og KPI-ar for marknadsføring og kundeservice

· Bidra med automatiseringar og prosessforbetring (Make.com, KI)

· Vere backup i kundeservice/resepsjon ved behov (t.d. ferie, sjukdom og møteavvikling)

Kven vi ser etter

· Du er masterstudent innan marknadsføring/kommunikasjon/data.

· Du synest det er gøy å løyse problem og jobbar strukturert for å få det til.

· Du har interesse for marknadsføring, CRM, automatisering og digitale verktøy.

· Du er god i norsk, gjerne nynorsk.

Vi tilbyr

· Relevant deltidsjobb (20--40 %), fleksibelt tilpassa eksamensperiodar

· Konkurransedyktig timeløn

· Opplæring og praktisk erfaring med framtidas teknologi

· Eit lite miljø med høge ambisjonar og kort veg frå idé til gjennomføring

· Arbeidsplass sentralt i Oslo: vi vil ha deg innom ca. ein gong i veka -- resten av tida kan du jobbe frå skulen, heime eller ein kul digital nomad destination i verda 🌴🌍

· Skikkeleg god lunsj

Interessert?

Skriv litt om deg sjølv og motivasjonen din, legg ved CV og send til gregor@dagogtid.no.