Rådgjevar/seniorrådgjevar innan analyse og kunnskapsgrunnlag

Om stillinga og avdelinga

Vi søkar ein systematisk og utviklingsorientert rådgjevar/seniorrådgjevar som kan bli vår kollega og som kan styrke vårt arbeid innan analyse og kunnskapsgrunnlag.

Stillinga er plassert i avdeling for undersøking og analysar, i divisjon for analyse og kunnskapsgrunnlag. Avdelinga jobbar med data frå register og eigne undersøkingar og har ansvar for å levera relevant og kvalitetssikra kunnskapsgrunnlag innan fagområda i HK-dir. Det vi produserer har stor betydning for utviklinga av utdannings- og kompetansepolitikken. Avdelinga har mellom anna ansvar for tilstandsrapportane for høgare utdanning og høgare yrkesfagleg utdanning, Studiebarometera, kandidatundersøkingane og analysar av framtidige kompetansebehov. Sekretariatet for Kompetansebehovsutvalget (KBU) er også ein del av avdelinga.

HK-dir jobbar aktivt for å utvikle kvaliteten i utdanning og opplæring, og Kunnskapsdepartementet og utdanningssektoren venter mykje av kunnskapsgrunnlaget og analysane som HK-dir produserer. Stillinga skal bidra til å vidareutvikle og sikre at HK-dir sitt kunnskapsgrunnlag er relevant og kvalitativt godt. 

Regjeringa la våren 2025 fram St.mld 11 (2024-2025) om høgare yrkesfagleg utdanning. HK-dir har ansvar for å utvikle eit nødvendig kunnskapsgrunnlag for å følge opp ambisjonane i meldinga og skal vere gode rådgjevarar for departementet. Stillinga er særskild knytt til arbeidet vårt med høgare yrkesfagleg utdanning. Tilsette må også forvente å bidra inn i andre prosjekt innan høgare utdanning og kompetansefeltet.

Avdeling for undersøking og analysar har i dag 20 dyktige medarbeidarar, som sit i Oslo og Bergen. Denne stillinga vil ha arbeidsstad i Oslo eller Bergen, og tilsette må også rekne med noko reiseverksemd.

Sentrale oppgåver i stillinga vil vere

• Vurdering og vidareutvikling av kunnskapsgrunnlaget i HK-dir
• Bidra til å utnytte HK-dir sine data og informasjonskjelder
• Planleggje og gjennomføre større kvantitative analysar
• Skrive rapportar og notat
• Bidra med formidling av våre analysar 

Stillinga kan også bli tillagt andre arbeidsoppgåver innanfor ansvarsområde til avdelinga.

Kva kvalifikasjonar treng vi?

Du må ha:

• relevant utdanning med gode resultat frå universitet/høgskule på mastergradsnivå eller høgare. Realkompetanse kan kompensera for manglande utdanningskrav.
• dokumentert erfaring med kvantitative analysar
• gode kunnskapar om undersøkingsmetodikk
• erfaring med prosjektleiing, med relevans for arbeidsoppgåvene
• god munnleg og dokumentert skriftleg framstillingsevne på norsk
   

Det er i tillegg ein fordel om du har:

• erfaring med relevante data- og analyseverktøy som R, STATA, Python eller liknande
• kjennskap til høgare yrkesfagleg utdanning
• erfaring frå forsking og utvikling på fagområdet
• erfaring med å utvikle kunnskapsgrunnlag for politikk
   

Vi søkar deg som:

• har evne til å arbeide sjølvstendig og strukturert
• har gode samarbeidseigenskapar og kommuniserer godt
• planlegg godt og har gjennomføringsevne
• har gode analytiske evne

Hos oss får du:

• eit uformelt og godt fag- og arbeidsmiljø
• høve til fagleg utvikling og kompetanseheving
• ein fleksibel arbeidstidsordning og høve for heimearbeid delar av arbeidstida
• høve til trening i arbeidstida, med inntil to timar i veka
• høve til mobiltelefonordning
• medlemskap i Statens pensjonskasse, med gode pensjons- og låneordningar
   

Lønsvilkår

• lønnsplassering etter kompetanse som rådgjevar/seniorrådgjevar, med ei årsløn på mellom kr. 600 000 og 800 000. For særskilt godt kvalifiserte søkjarar kan høgare løn vurderast.
• to prosent trekk til lovfesta innskot i Statens pensjonskasse
   

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. 

Kontaktperson

Namn: Magnus Fodstad Larsen

e-post: magnus.larsen@hkdir.no

telefon: 97658725