Førstekonsulent/rådgivar med bestillerfunksjon

Om stillinga

Vi søkjer ein førstekonsulent/rådgivar til ei nyoppretta rolle med ansvar for departementet si sentrale fakturabehandling og innkjøp i seksjonen for økonomistyring. Hos oss får du ei nøkkelrolle i å samle og profesjonalisere bestillarfunksjonen, samstundes som du bidreg til betre oversikt, kontroll og kvalitet i økonomiprosessane.

Dette er ei stilling som passar for deg som har nokre års arbeidserfaring og ønskjer å byggje vidare kompetanse innan økonomi og innkjøp. Du treng ikkje tung fagkompetanse, men bør ha god systemforståing og interesse for prosessutvikling.

Du blir ein sentral pådrivar i utviklinga av bestillarfunksjonen i departementet. Rollen er todelt:

• Opprette og ta vare på bestillarfunksjonen hos oss
• Bidra inn i prosjektarbeid på tvers av departementa

Målet er å effektivisere og forenkle fakturaflyten ved å samle bestilling, kontering og fakturahandtering i éi funksjon. På kort sikt handlar det om å overta konteringsoppgåver og sikre god oppstart. På lengre sikt skal du gradvis ta over bestillingsoppgåver, byggje oversikt over innkjøp og bidra til digitalisering og automatisering. Arbeidet kombinerer faste oppgåver med periodar med høgt tempo og korte fristar, særleg ved årsoppgjer.

Arbeidsoppgåver

• Sentral kontering av fakturaer for heile departementet
• Bestilling av varer og tenester på vegner av avdelingane
• Kontaktpunkt for økonomi- og rekneskapsfunksjonen
• Fakturahandtering og kvalitetssikring
• Bidra til årsoppgjer og utviklingsarbeid innan innkjøp og økonomistyring

Vi søkjer deg som har

Vi søkjer deg som trivst med struktur, men som samstundes likar å utvikle nye, smarte løysingar. Du må vere nøyaktig og detaljorientert, samstundes som du tek initiativ og har evne til å bidra til forbetring og digitalisering. Du må kunne arbeide både sjølvstendig og samarbeide godt med andre.

• Utdanning på minimum bachelornivå
• Erfaring med Unit 4 ERP
• Prosjektkompetanse (prosjektleiarerfaring er ein fordel)
• Erfaring med rutine- og prosessforbetring, helst innan økonomi og innkjøp
• God digital kompetanse, inkludert Excel
• Svært god skriftleg og munnleg formidlingsevne på norsk

• Erfaring frå offentleg sektor, gjerne departement
• Erfaring med statleg økonomireglement

Det vil bli lagde vekt stor vekt på personleg egnethet.

Utdannelse og erfaring må dokumenterast med CV, vitnemål og attestar.

Vi tilbyr 

• eit arbeidsfellesskap med dyktige kollegaer som er stolte av jobben sin
• ein spennande jobb i eit sterk fagmiljø
• DFD gir gode utviklingsmoglegheiter
• lokala våre ligg sentralt i Oslo med kort veg til offentleg transport
• gode forsikrings- og pensjonsordningar, med automatisk medlemskap i Statens pensjonskasse
• fleksibel arbeidstid
• sosiale, kulturelle og sportslege aktivitetar

Løn: Stilling blir lønt som førstekonsulent/rådgivar frå kr. 580.000 - 680.000. Lønnsplassering avheng av erfaring og kvalifikasjonar. 

Autorisasjon: Tilsette i Digitaliserings- og forvaltningsdepartementet må kunna autoriserast for tilgang til informasjon BEGRENSET etter tryggingslova. Les meir om autorisasjon her.

Vi er opptekne av

Mangfold er ein styrke og gjer at vi kan løysa oppgåvene våre endå betre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å kryssa av i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Avkryssingane i jobbsøkjarportalen blir ikkje brukt til noko anna enn anonymisert statistikk som statlege verksemder rapporterer i årsrapportane sine.

Informasjon til deg som søkjer 

Søknad med CV blir send elektronisk via link på denne sida.

DFD nyttar bakgrunnssjekk frå Semac i nokre av rekrutteringsprosessane våre. Bakgrunnssjekk blir utført etter samtykke, og inneber bla at me verifiserer CV og annan søknadsdokumentasjon i samband med tilsetjinga.

Vi gjer merksam på at opplysninga om at du er søkjar kan bli offentleggjort sjølv om du har bede om ikkje å bli ført opp på søkjarlista, jf. offentleglova § 25. Du vil bli informert før offentleggjeringa og få moglegheit til å trekkja søknaden.