Sommarvikarar ved institusjonstenester og heimetenester

Om stillinga

Me treng ferievikarar i perioden 01.06.25 - 31.08.2025 på desse stadane i helse og omsorg:

1. institusjonstenester
2. kjøken
3. heimebaserte tenester
 
 Skriv i søknaden: 

• kvar du ynskjer å jobbe. Skriv stad eller nummer på stillinga (1 - 3) i prioritert rekkefylgje, eventuelt om du vil jobbe fleire stadar
• når du kan byrje i stillinga
• kor lenge du kan jobbe
• om du ynskjer å jobbe langvakter

Det er 3-delt turnus (dag / kveld / natt / helg) med moglegheit langvakter.

Arbeids- og ansvarsområde

• OPPGÅVER INSTITUSJONSTENESTER: 
  - pleie og omsorg til pasientane 
  - hjelp til personleg hygiene
  - tilsyn
  - rapportere til sjukepleiar om pasientane sine behov og observasjonar / endringar 
  - dokumentere / journalføre i elektronisk pasientjournal
  - samarbeid med ulike faggrupper og tverrfagleg samarbeid
  - vere med pasientane i aktivitetar ved avdelinga, turar med elektrisk sykkel, gå- eller trille tur
  - sosialt samvær som til dømes: sjå bilde og film frå nær og fjern, lese avisa, songstund
   
• OPPGÅVER HEIMEBASERTE TENESTER:
  - yte naudsynt helsehjelp, stell, pleie, tilrettelegging og god omsorg
  - førebyggande og rehabiliterande helsearbeid
  - samarbeid med ulike faggrupper og tverrfagleg samarbeid
  - praktisk bistand som å støvsuge, reingjere golv og bad, skifte på seng, vask av kle, innkjøp av matvarer og utlevering av middag
   
• OPPGÅVER KJØKEN:
  - ulike oppgåver delegert frå kjøkenleiar 
  - rapportere til kjøkenleiar om pasient eller brukarane sine behov og eventuelle endringar
  - delta i tillaging av mat / middag til helsetunet og til heimebuande

Me tilbyr

• bli ein del av ein triveleg arbeidsplass der arbeidsmiljø står i sentrum 
• gode pensjons- og forsikringsordningar 
• løn etter tariff 
• ekstra laurdags- og søndagstillegg (kr 10 over tariff)
• sjukepleie- / vernepleiestudentar som har fullført medikamentprøve får i tillegg til tariffløn kr 10 000
• studentar under høgskuleutdanning får løn tilsvarande fagarbeidarstilling dersom utdanninga er relevant for stillinga
• gratis inngang til treningsrom i Aurlandshallen 
• gratis inngang til symjehallen

Sjå gjerne informasjonsbrosjyre om kommunen vår her.

. Video: https://www.youtube.com/watch?v=aFXLAnqaUbI

Kvalifikasjonar

For å dekke desse tenestene treng me sjukepleiarar, vernepleiarar, helsefagarbeidarar, miljøterapeutar, studentar og pleiemedarbeidarar / assistentar.

Personlege eigenskapar

Me søker deg som har lyst til å jobbe med pasientar og brukarar i Aurland kommune, helse og omsorg.

Det vert difor lagt stor vekt på personlege eigenskapar, og vi ynskjer at du;

- har interesse, og er motivert til å jobbe innan helse og omsorg
- er audmjuk, fleksibel og løysingsorientert
- har evne til samarbeid, og kan kommunisere godt med pasientar,     brukarar og kollegaer
- tek initiativ, og er engasjert, slik at pasientane skal trivast best    mogleg 
- har evne til å arbeide både sjølvstendig og i team
- har godt humør og er positiv
- tek nye utfordringar

Våre verdiar er:  L-Æ-R, som står for Likeverd, Ærlegdom og Respekt.  

Løns- og tilsetjingsvilkår

• tilsetting, løn og arbeidsvilkår er i samsvar med gjeldande lover, reglement og tariffavtale
• me ynskjer at du fyller 18 år i løpet av 2025, men yngre søkarar kan også få tilbod om sommarjobb
• for å jobbe i heimetenesta må du ha førarkort, klasse B
• me vil prøve å imøtekome ynskje om arbeidsstad og arbeidstid så langt det let seg gjere
• det blir stilt krav om ny politiattest jamfør helsepersonellova

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.