Lege i spesialisering, Rus- og avhengigheitsmedisin

Vil du bli spesialist i eit fagfelt der du får bruke heile den medisinske kompetansen din?

Rus- og avhengigheitsmedisin er eit spennande fagområde i skjæringspunktet mellom rusmedisin, somatikk og psykiatri. Hos oss får du jobbe tett på pasientar med samansette problemstillingar, i eit sterkt tverrfagleg miljø med høg fagleg kompetanse og eit felles engasjement for å gjere ein forskjell.

Vi søkjer no etter engasjerte leger i spesialisering (LIS 2/3) som ønskjer å utvikle seg innan rus- og avhengigheitsmedisin og vere med på å vidareutvikle behandlingstilbodet vårt ved Avdeling TSB i Møre og Romsdal.

Vi har ledig 2 faste 100 % stillingar for lege i spesialisering 2/3 ved Avdeling for tverrfagleg spesialisert rusbehandling (TSB), Ålesund behandlingssenter, frå 01.02.27.

Ved Avdeling TSB i Helse Møre og Romsdal HF gir vi utgreiing og behandling til personar over 18 år med rus- og avhengigheitsutfordringar, samt støtte og oppfølging til deira pårørande. Tilbodet omfattar avrusing, korttids døgnbehandling og poliklinisk behandling.

Som LIS hos oss får du:

• Godkjent heile spesialistutdanninga i rus- og avhengigheitsmedisin
  
• Brei klinisk erfaring innan både rusmedisin, psykiatri og somatikk
• Tett rettleiing frå erfarne spesialistar
• Arbeid i eit inkluderande og kompetent tverrfagleg miljø
• Moglegheit til å bidra i utviklinga av framtidas behandlingstilbod innan TSB

Vi ønskjer oss leger som er fagleg nysgjerrig, engasjert i pasientgruppa og som trivst med samarbeid på tvers av profesjonar.

Har du spørsmål om stillinga, er du velkomen til å ta kontakt for ein uforpliktande prat. Vi ser fram til å høyre frå deg!

Arbeidsoppgåver

• Utdanningsstilling i rus- og avhengighetsmedisin
• Oppgåver knytta til avdelinga si verksemd som vil variere ut fra den seksjonen ein er tilsatt i; mottak, abstinensbehandling, utgreiing, behandling, deltaking i tverrfaglege drøftingar m.m.
• Tverrfagleg samarbeid
• Deltaking i avdelinga si vaktordning
• Undervising

Kvalifikasjonar

• Norsk autorisasjon som lege
• Godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3 stilling i rus- og avhengigheitsmedisin
• Cand.med. som ventar på å gjennomføre LIS1 kan òg søkje midlertidig stilling
• Det blir lagt vekt på relevant yrkeserfaring og klinisk erfaring
• Må ha gode munnlege og skriftlege norskkunnskapar

Personlege eigenskapar

• Vi søkjer deg som trivast med å arbeide i team på tvers av profesjonar og yrkesgrupper, men også har god evne til å arbeide sjølvstendig
• Vi søkjer deg med eit fagleg engasjement og interesse for eit breitt spekter av somatiske, rusmedisinske og psykiatriske sjukdomstilstandar og korleis desse verkar inn på kvarandre
• Vi søkjer deg som har gode kommunikasjonsevner, som er fleksibel og løysingsorientert

Å vere personleg eigna vert vektlagt ved tilsetting

Vi tilbyr

• Rettleiing av erfarne overlegar
• Variert, utfordrande og lærerik teneste
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Siri-Mette Dragsund Hoff, Seksjonsleder, 70171333, Siri.Mette.Dragsund.Hoff@helse-mr.no

Arbeidsstad

Vestmoa 27
6018 ÅLESUND

Nøkkelinformasjon:

Arbeidsgivar: Helse Møre og Romsdal HF

Referansenr.: 5204430143
Stillingsprosent: 100%
Fast
Søknadsfrist: 22.11.2026