Personalkonsulent/personalrådgjevar

Med over 1900 studentar er Fagskulen Vestland ein av dei største offentlege fagskulane i landet. Fagskulen utdannar mellom anna morgondagens prosjektleiarar og mellomleiarar. Fagskulen Vestland har åtte studiestadar frå Måløy i nord til Stord i sør. Vi er om lag 200 tilsette og har eit utviklingsorientert arbeids- og læringsmiljø.
Fagskuleutdanning er ei høgare yrkesfagleg utdanning som byggjer på vidaregåande opplæring eller tilsvarande realkompetanse.

Vi samarbeider tett med arbeidslivet i Vestland om å utvikle framtidsretta utdanningar, både studium som strekk seg over fleire år og kortare utdanningar.
Fagskuleutdanninga har høg arbeidsrelevans og våre uteksaminerte studentar er attraktive i arbeidsmarknaden.  Utdanninga gir studentane ein kombinert praktisk og teoretisk kompetanse som kvalifiserer til stillingar som krev både teknisk innsikt og leiarkompetanse.

Om stillinga
Fagskulen Vestland har ledig ei nyoppretta stilling som medarbeidar innan personalstøtte og ressursstyring. Fagskulen sin leiargruppe består av 14 leiarar og du vil få ansvar for å gje leiarstøtte innan både HR feltet generelt og innan ressursstyring i Visma in School (VIS).
Stillinga er ein del av stabs-avdelinga med 8 medarbeidarar og vil rapportere til prorektor for organisasjon og samhandling. Du vil arbeide tett med andre i avdelinga som har tilstøytane oppgåver.
Stillinga er, avhengig av utdanningsnivå, i kategorien spesialkonsulent eller rådgjevar.

Administrasjonsspråket i Vestland fylkeskommune er nynorsk.

Arbeidsoppgåver

• Sikre god ressursplanlegging på tvers i organisasjonen i høve til pedagogisk personell knytt til både undervisning og prosjekt
• Bidra til opplæring i ressursplanlegging i VIS
• Tilrettelegging for leiarar i HR oppgåver som til dømes permisjonar og tilsettingar inkludert "medarbeiderreisen frå start til slutt"
• Utvikle rutinar og retningsliner innan HR-feltet
• Kartlegging og tilrettelegging for kompetanseheving i organisasjonen
• Bidra til, og legge til rette for godt HMS arbeid
• Andre oppgaver, t.d. lønnsarbeid kan tilkomme

Kvalifikasjonar

Vi ser etter deg som har:

• høgare utdanning på minimum Bachelornivå innan relevante fagområde. Lang og relevant erfaring kan i særskilte tilfelle kompensere for høgare utdanning.
• relevant arbeidserfaring og god kjennskap til Visma in school (VIS) eller tilsvarande
  

I tillegg er det ønskjeleg at du har:

• erfaring frå HRM-system (t.d. Visma Enterprise)
• erfaring frå sak- og arkivsystem (t.d. Elements)
• gode IKT kunnskapar
• god skriftleg framstillingsevne 

Personlege eigenskapar

• Du har gode samarbeidsevner og er glad i å hjelpe andre
• Du er initiativrik og sjølvstendig
• Du er nøyaktig og systematisk

Vi tilbyr

• Eit triveleg og godt arbeidsmiljø
• Fleksibel arbeidstid
• Gode offentlege pensjons- og forsikringsvilkår
• Løn og lønsutvikling i tråd med Vestland fylkeskommune sin lønspolitikk

 

Kontaktinformasjon

Adeline Berntsen Landro, prorektor              , 99792813, adeline.berntsen.landro@vlfk.no

Arbeidsstad

Haugeveien 28
5005 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5026928011
Stillingsprosent: 100%
Fast
Søknadsfrist: 27.10.2025