Me er på jakt etter dyktige lærarar!

På Rosseland skule er me opptatt av å spela på lag og gjera kvarandre gode. Hos oss er både elevar og tilsette på landslaget - Rosselandslaget!
Saman skapar me den gode skulen, der målsettinga er at kvart barn skal ha framgang i si læring og utvikling. For å få dette til, er me på jakt etter deg som likar å spela på lag, og som kan sjå og møta den enkelte eleven eller tilsette som ein aktiv medspelar. Kanskje er du open for ein "overgang" til oss på Rosselandslaget? Kanskje har du gjort noko anna enn å jobba i skulen ei stund, men lengtar tilbake til det pulserande livet på ein moderne og stor barneskule? Kanskje er du på flyttefot til Jæren, eller    Sør-Rogaland? Kanskje er du ein nyutdanna og framoverlent person som er på jakt etter draumejobben?

Me er opptatt av å få tak i kvalifiserte lærarar til alle stillingane. Me har eit ungt personale, og no er det fleire som ventar "smått"!

Difor leiter me etter deg med godkjent lærarutdanning, som har lyst til å bli med oss på Rosselandslaget. 

Me har ledig 2 lærarstillingar i 100%. Stillingane har startdato 01.03.2026. I utgangspunktet er stillingane vikariat fram til sommaren 2026, men det er mogleg å få faste stillingar frå 01.08.2026 ved å søkja på Time kommune si fellesutlysning.

Rosseland skule er ein stor barneskule som ligg sentralt plassert i Bryne. Skulen har 554 elevar skuleåret 2025-26, og 80 tilsette i skule og SFO. Me kan  tilby eit flott skulebygg.  Skulen er ein del av "Jærskulen", og me ønskjer derfor å fornya oss, og vera i front av den generelle skuleutviklinga, både lokalt og nasjonalt. Skulen er praksisskule for lærarstudentar frå UIS.

Me arbeider kvar dag for at barnet skal bli møtt og sett, og oppleva meistring aleine og saman med andre på laget vårt.

Me er opptekne av at alle elevar skal ha eit trygt og godt skulemiljø. Me er sertifiserte som Olweusskule og jobbar aktivt med "Laget rundt læraren og eleven", som er eit tverrfagleg samarbeid med blant anna PPT og helsesjukepleiar.

Arbeidsoppgåver

Lærar 1: Faglærar eller kontaktlærar på småskuletrinnetLærar 2: Faglærar eller kontaktlærar på småskuletrinnet

Fokuset i alt me gjer:
Korleis fører arbeidet vårt til framgang i læring og utvikling for det enkelte barnet? Me fokuserer spesielt på lesing og elevmedverknad.

Kvalifikasjonar

Godkjent allmennlærarutdanning, GLU 1-7/MGLU1-7, med godkjent kompetanse i norsk,  matematikk eller engelsk.

Vidareutdanning i spes.ped er ønskeleg, 

Personlege eigenskapar

• Gode samarbeidsevner, både internt og eksternt, og kunna bidra positivt i jobbfellesskapet
  
• Evne til å kunna arbeida sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må lika utfordringar, vera engasjert, løysingsorientert og kunna trekka slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Me tilbyr

• Ein av dei beste pensjonsordningar i landet! 
• Lønn etter tariff
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling
  

Kontaktinformasjon

Lise Bø Emberland, Avdelingsleiar 1.-2.trinn, + 47 97064708
Geir Soma, Rektor, +47 97581636

Arbeidsstad

Dronning Mauds gate 3
4340 Bryne

Nøkkelinformasjon:

Arbeidsgivar: Time kommune

Referansenr.: 5059995087
Stillingsprosent: 100%
Vikar
Startdato: 01.03.2026
Sluttdato: 26.06.2026
Søknadsfrist: 21.01.2026