Varierte oppgåver i skade- og lakkavdeling

Har du fagbrev, erfaring frå bilbransjen eller likar å skape resultat du kan vere stolt av?

Trucknor Firda opplever aukande oppdragsmengde og søkjer derfor nye kollegaer til vår skade- og lakkavdeling i Førde.

Vi reparerer, fikser og lakkerer bussar og lastebilar for kundar over heile regionen. Arbeidskvardagen er variert, og vi ønskjer å kome i kontakt med deg som har erfaring innan bilskade, lakk, sveis eller mekaniske fag. Har du ikkje relevant fagbrev, men rett innstilling og interesse for faget, oppmodar vi deg likevel om å søkje.

Arbeidsoppgåver

• Skadereparasjon av bussar og lastebilar

• Oppretting og utskifting av skadde komponentar

• Sveising og produksjon av delar

• Ruteskift

• Lakkering og overflatebehandling

• Taksering og dokumentasjon av skadar

• Samarbeid med verkstad og kundemottak

Kven ser vi etter?

Vi søkjer deg som:

• Er kvalitetsbevisst og løysingsorientert

• Har interesse for bil- og transportfaget

• Tek ansvar og trivst med sjølvstendig arbeid

• Bidreg til eit godt arbeidsmiljø

• Beherskar norsk munnleg og skriftleg

Ønska kvalifikasjonar

• Fagbrev innan bilskade, billakkering, reparatør tunge køyretøy eller tilsvarande fag

• Erfaring frå skadeverkstad, mekanisk arbeid, sveising eller lakkering

• Førarkort klasse B

• Klasse C, CE eller D er ein fordel, men ikkje eit krav

Vi tilbyr

• Konkurransedyktige løns- og arbeidsvilkår

• Eit solid selskap med gode framtidsutsikter

• Moderne verkstad og godt utstyr

• Opplæring, kurs og kompetanseutvikling

• Varierte og utfordrande arbeidsoppgåver

• Eit inkluderande arbeidsmiljø med dyktige kollegaer

• Moglegheit til å ta relevante sertifikat og førarkort etter avtale

Hos Trucknor Firda får du jobbe med store køyretøy, moderne utstyr og dyktige kollegaer i eit selskap som satsar på både folk og fag. Interessert?

Ta gjerne kontakt for ein uforpliktande prat. Vi vurderer søknader fortløpande.

Søknadsfrist: Snarast.