Universitetslektor i klinisk vaksenpsykologi

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søkeprosessen her.

. Video: https://youtu.be/Xt-yHCN5QS0

Om stillingen

Ved Institutt for psykologi er det ledig vikariat i 2 år som universitetslektor i klinisk vaksenpsykologi.

Institutt for psykologi har omkring 1300 studentar og meir enn 180 tilsette. Instituttet har eit stort og variert fagmiljø med brei kompetanse innan psykologi. Me tilbyr psykologutdanning, og studiar på bachelor-, master- og ph.d.-nivå. Instituttet driv også tre psykologiske opplæringsklinikkar (poliklinikkar) i vaksenpsykologi, barne- og ungdomspsykologi, og klinisk nevropsykologi. Instituttet har omfattande forskingssamarbeid, både internt og med andre forskingsmiljø nasjonalt og internasjonalt. Me leitar etter ein universitetslektor med engasjement for utdanning av framtidas psykologar.

Som universitetslektor ved Institutt for psykologi vil du jobba tett og klinikknært med opplæring av psykologstudentar i klinisk vaksenpsykologi. Hovudvekta av arbeidet i stillinga vil omfatta opplæring og rettleiing av studentar i det å utgreie, planlegge og gjennomføre psykologisk behandling av vaksne pasientar i opplæringsklinikken. Du vil få høve til å påverka undervisingsopplegget i klinisk vaksenpsykologi for framtidas psykologar. Ved instituttet vil du samarbeida med vitskapleg tilsette, spesialistar i klinisk vaksenpsykologi og erfarne testteknikarar. Du vil også samarbeida med relevante eksterne miljø som ein naturleg del av våre undervisings- og fagutviklingsaktivitetar.

Din næraste leiar vil vera instituttleiar.

Arbeidsoppgåver

• Rettleiing av psykologstudentar under internklinisk praksis ved universitetspoliklinikken
• Undervising i klinisk vaksenpsykologi (utgreiing/ behandling)
• Delta i gjennomføring av undervisingsopplegget etter gjeldande studieplan, og i arbeidet med vidareutvikling av fagområdet og undervisingsopplegget, under dette også etter- og vidareutdanning
• Ansvar for planlegging og gjennomføring av undervising innanfor fagområdet
• Ivareta det faglege ansvaret i fageininga saman med andre vitskapleg tilsette
• Eksamensarbeid
• Administrative oppgåver
• Det kan også bli aktuelt å bidra i anna undervising og rettleiing ved instituttet
• Stillinga er i hovudsak ei undervisningsstilling, men med forsking og utviklingsarbeid innanfor sitt fagområde i det omfanget som ei universitetslektorstilling opnar for. 
  Normalt kan 20 % av tida i stilling som universitetslektor blir brukt til forskings- og utviklingsarbeid, under dette fagleg oppdatering, medan arbeidsoppgåvene nemnt ovanfor utgjer 80 % av stillinga

Kvalifikasjonskrav

• Du må kvalifisera for stilling som universitetslektor innanfor fagområdet klinisk vaksenpsykologi i samsvar med krav referert i §1-6 i Forskrift om tilsetjing og opprykk i undervisings- og forskarstillingar
• Du må vera psykolog med norsk autorisasjon og ha spesialistkompetanse i klinisk vaksenpsykologi godkjent av NPF. Andre relevante spesialitetar kan vurderast
• God munnleg og skriftleg framstillingsevne i norsk og engelsk
• Tilsetjing føreset framlagd vandelsattest frå politiet utan merknader
• I tråd med Personalreglementet for undervisings- og forskarstillingar ved NTNU må du dokumentera relevant grunnleggjande kompetanse for undervising og rettleiing på universitets- og høgskulenivå:
  • Gjennomført program på minimum 200 timar i universitetspedagogisk basiskompetanse.
    Dersom du ikkje kan dokumentera dette, blir du pålagd å gjennomføra eit godkjent kurs i universitetspedagogikk i løpet av to år etter tilsetjing. NTNU tilbyr kvalifiserande kurs

Ønska kvalifikasjonar

• Klinisk kompetanse og erfaring med evidensbaserte behandlingstilnærmingar
• Kompetanse og erfaring med klinisk rettleiing og anna relevant undervising
• Erfaring med systematisk klinisk kvalitetsarbeid (til dømes utarbeiding og evaluering av pasientforløp) og forsking på klinisk praksis, utdanning og/eller rettleiing
• Annan relevant klinisk etter- og vidareutdanning vil også bli vektlagd

 Personlege eigenskapar

• Sosial og samarbeidsvillig
• Motivert til å bidra til et godt arbeidsmiljø
• Sjølvstendig, initiativrik og løysingsorientert

Personlege og mellommenneskelege eigenskapar vil bli lagde vekt på.

Vi tilbyr

• spennande og utviklande oppgåver i eit sterkt og internasjonalt fagmiljø
• ope og inkluderande arbeidsmiljø med engasjerte kollegaer
• gunstige vilkår i Statens pensjonskasse
• tilsettegoder og fordeler

Lønn og vilkår

I stillinga som universitetslektor (kode 1009) vil du normalt lønast frå brutto kr 770 000 – 810 000 pr. år avhengig av kvalifikasjonar og ansiennitet. Frå løna blir 2 % lovfesta innskot trekt til Statens Pensjonskasse.

Tilsetjinga blir gjennomført etter prinsippa i statstilsetjelova, og lovverk som regulerer eksport av kunnskap, teknologi og tenester. Etter tilsetjinga må du rekna med at det kan skje endringar i arbeidsområdet.

Det er ein føresetnad at du kan vera til stades ved og tilgjengeleg for institusjonen på dagleg basis.

Om søknaden

Me gjer merksame på at søknaden blir vurdert ut frå den informasjonen som du har gitt oss innan søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over.

Om du har hatt permisjon eller anna avbrekk i karrieren din, er det viktig at dette kjem fram i søknaden din slik at utvalskomiteen kan ta omsyn til dette.

Søknaden må innehalde:

• CV, attestar og vitnemål
• Namn og kontaktinformasjon til tre relevante referansar
• CV, attester og vitnemål
• Beskriving av pedagogiske kvalifikasjonar, jf Dokumentasjon av pedagogiske kvalifikasjoner ved søknad og ansettelse i vitenskapelig stilling Ved spørsmål rundt utforming av beskrivinga kan du kontakte kontaktperson ved HR-seksjonen
• Dersom du har publikasjonar eller anna relevant forskingsarbeid, kan du også leggja ved dette (opp til 5 utvalde publikasjonar), men det er ikkje eit krav

Ved vurdering av den best kvalifiserte legger me vekt på personlege eigenskapar, motivasjonen din for stillinga og dine pedagogiske evner og kvalifikasjonar. Vår vurdering vil byggja på dokumentert pedagogisk materiale, erfaring frå undervising og rettleiing, og dessutan pedagogisk bakgrunn av annan art. Kvalitet og breidd vil bli vurdert.

Søknaden din vil bli vurdert av ein sakkunnig komité. Aktuelle kandidatar vil bli inviterte til prøveundervising og intervju.

Generell informasjon

NTNU meiner at inkludering og mangfald er ei styrke. Vi ønske at våre tilsette skal speile det norske folk, og søker til ei kvar tid dei beste hovuda. Dette gir NTNU auka produktivitet, innovasjon, auka medarbeidartilfredsheit og det konkurransefortrinnet vi treng for å gjennomføre vårt samfunnsoppdrag innan forsking og utdanning. NTNU legg vekt på tilrettelegging og oppfordrar deg som kvalifisert kandidat til å søke uavhengig av kjønn, funksjonsevne, hol i CV eller kulturell bakgrunn.

Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtekne.

Som ansatt ved NTNU må du til enhver tid rette deg etter endringer som utviklingen i faget medfører, og de organisatoriske endringer som vedtas.  

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje.

Om du har spørsmål om stillinga kan du ta kontakt med klinikkleiar Truls Ryum, tlf. 73597885, e-post: Truls.Ryum@ntnu.no 
Om du har spørsmål om tilsetjingsprosessen kan du ta kontakt med Ina Grønbech Halvorsen, e-post: Ina.g.halvorsen@ntnu.no 

Synest du dette ser interessant ut, og i samsvar med kvalifikasjonane dine, sender du oss søknaden din elektronisk via jobbnorge.no med CV, vitnemål og attestar vedlagde. Ved førespurnad må du kunna skaffa stadfesta kopiar av dokumentasjonen din

Søknadsfrist: 20.10.2025