Nevrofysiologi - teknikar

Vil du jobbe med hjernehelse? 🧠

Er du teknisk anlagd og liker å jobbe med pasientar? Vi søker etter ein kollega som liker å jobbe med varierande og spennande oppgåver innan nervestystemet.

Klinisk nevrofysiologi er anvendt nevrovitenskap med klinisk relevanse! På Haukeland tilbyr vi moderne elektrofysiologisk testing av nervesystemet som er nyttig i diagnostikk, prognose og behandling av anfalls - og søvnlidingar, nevropatier, og nevromuskulære tilstandar. Vi er også engasjert i nevromonitorering ved kritisk sjukdom og under operasjonar. Hos oss møter du eit tverrfagleg og dynamisk team med høg kompetanse og eit sterkt fokus på kvalitet og pasientsikkerheit. 

Teamet består av 9 legar og 14 nevrofysiologi - teknikarar med ulik bakgrunn og utdanning og samarbeider med ingeniørar og sekretærar. Vår avdeling er del av eit universitetssjukehus med regionfunksjon, og utfører rundt 8000 undersøkingar årleg. Vi jobbar tett saman og har til hovudoppgåve å utføre ulike undersøkingar av pasientar sitt sentrale og perifere nervesystem. Vi har både polikliniske og inneliggande pasientar, alder varierer frå premature kuvøsebarn til eldre menneske og frå friske til kritisk sjuke pasientar. Vi har lokale i Gamle Hovedbygg, i Sentralblokken, og i Glasblokkene.

Opningstida vår er for tida frå måndag til fredag frå kl. 07.45 til 15.30. Avdelinga har også beredskapsvakt for nevrofysiologi-teknikar alle dagar i året for å yte nevroovervaking hjå pasientar med kritisk sjukdom.

Vi søker etter ein ny kollega og har ledig 100% fast stilling som nevrofysiologi - teknikar frå 01.02.2027 eller etter avtale.

Arbeidsoppgåver

• Utføre ulike testar/undersøkingar av sentrale og perifere nervesystem til pasientar
• Nevrofysiologi -teknikar arbeider sjølvstendig og i team, og arbeidet er både praktisk og teoretisk
• Vi rykker ut til andre avdelingar og tar testar på kritisk sjuke pasientar, også peroperativt
• Dei vanlegaste undersøkingane er elektroencefalografi (EEG), nevrografi (NCV), fremkalte responsar og søvntestar. I tillegg blir det gjort diverse spesialundersøkingar og langtidsregistreringar
• Auking og stor variasjon i talet på tilvisingar og ulike undersøkingar ved avdelinga krev fleksibilitet, effektivitet og evne til å stå på når det gjeld
• Deltaking i avdelingas vaktordning

Kvalifikasjonar

• 🎓Ønskeleg med helsefagleg, eller annan relevant fagleg bakgrunn på anten bachelor - eller masternivå
• 🩺Erfaring med pasientgrupper som har behov for nevrofysiologiske undersøkingar er ein fordel
• 💻Gode datakunnskapar og god teknisk forståing
• 🌍Må meistre nordisk språk og engelsk både munnleg og skriftleg

Personlege eigenskapar

• 🤗Vi søker ein samarbeidsvillig og omgjengeleg person, som aktivt bidrar til eit godt arbeidsmiljø
• 🤓Du har interesse for fagfeltet og ønsker å vidareutvikle kompetansen din
• 😊Du er interessert i fagleg utvikling og ønsker deltaking i forsking og kvalitetsarbeid
• 😎Du er fleksibel og trivst med høgt arbeidstempo
• 🤩Du er teknisk interessert og likar å sette deg inn i ny teknologi

Vi tilbyr

• 🧠 God opplæring i klinisk nevrofysiologi, med internundervisning og rettleiing i tråd med nasjonal kompetanseplan (https://nevrofys.no/)
• 🤝Samarbeid med dei øvrige fagmiljøa på sjukehuset
• 🛠️Vi tilbyr varierte arbeidsoppgåver i ei av dei største nevrofysiologiske laboratorium i landet
• 💰Lønn etter avtale
• 👨‍🦯Gode pensjons - og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Solveig Mittet, Seksjonsleiar, 99714947
Tom Eichele, Avdelingssjef, 45224919

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5205817152
Stillingsprosent: 100%
Fast
Søknadsfrist: 20.12.2026