Lærar på Samnanger barneskule

Samnanger barneskule treng ein ny og engasjert vikarkollega.

Me søkjer ein engasjert lærar som set elevane i sentrum, og som trivst i eit inkluderande og aktivt læringsmiljø. Du har eit hjarte for læring, trivsel og godt samarbeid – og bidreg til å skapa ein skulekvardag der alle får moglegheit til å utvikla seg.

Alle utdanna lærarar er velkomne til å søkja, men me er særleg interesserte i deg som har kompetanse innan spesialpedagogikk og/eller særskild norskopplæring.

Stillinga er eit vikariat med oppstart snarast mogleg, og varer fram til påskeferien 2026 – med moglegheit for forlenging.

Arbeidsoppgåver

Undervisning, både inne og ute, på 1.-7.trinn i ulik storleik på grupper.

Kvalifikasjonar

Krav

• Godkjent pedagogisk utdanning
• Gyldig politiattest
• Det vil bli vektlagt skulen sine behov og personlege eigenskapar

Ønskjer

• Erfaring med å undervisa og å leia ein klasse
• Kompetanse innan fagområde spesialpedagogikk
• Kunna nytta naturen som klasserom

Personlege eigenskapar

• Du har gode samarbeidsevne
• Du er ein tydeleg og varm klasseleiar med fokus på gode relasjonar
• Du er løysingsorientert, fleksibel og har evna til å jobbe åleine
• Du har stor arbeidskapasitet
• Du har godt humør og tek ansvar for at dei rundt deg har det bra

Me tilbyr

• Ein flott arbeidsplass med høg trivsel blant tilsette
• Me har fokus på samarbeidslæring og gode relasjonar mellom elevane og dei vaksne

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring.
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, HR-dir. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.

Om oss

Skulen ligg vakkert til og har funksjonelle og miljøvenlege bygg. Skulen har eit stort og variert uteområde, eit flott skulebibliotek, digitale tavler i alle klasserom og kort veg ut i naturen.

Skulen har fokus på å sjå heile mennesket og vektlegg både sosiale og faglege mål gjennom tidleg innsats og kjerneverdiane våre. Me ynskje å sjå engasjerte elevar og kollegaer i praksis. Me er ein skule i utvikling og har godt kvalifiserte tilsette som trivst på arbeidsplassen sin.

Nøkkelord: vår skule, våre elevar, kommunikasjon og relasjon