Hopp til innhold

Vil du bli vår nye psykolog ved Stord DPS?

Arbeidsgiver

Helse Fonna HF

Sted

Tysevegen 64, 5416 Stord

Om jobben

Stillingstittel
Psykolog
Type ansettelse
Fast, heltid 100%
Antall stillinger
1
Arbeidsspråk
Norsk

Søk på jobben

Søk senest søndag 29. november

Vil du bli ein del av eit sterkt fagmiljø med engasjement for utvikling og god pasientbehandling? Vi har ledig fast stilling som psykolog i allmennteamet ved Stord DPS!

Hos oss blir du ein del av eit godt og stabilt fagmiljø, der samarbeid, fagleg utvikling og gode kliniske drøftingar står sentralt. Allmennpoliklinikk for vaksne er organisert i to behandlingsteam med faste teammøte, der vi saman arbeider for gode vurderingar og best mogleg behandling for pasientane våre.
Stord DPS er eitt av tre distriktspsykiatriske senter i Klinikk for psykisk helsevern i Helse Fonna HF. Opptaksområdet vårt omfattar kommunane Stord, Fitjar, Bømlo og Tysnes. Vi er organiserte under felles leiing med døgnpost for vaksne, TSB, FACT og BUP.

Vi er stolte av det gode fagmiljøet vårt, med lokalt forankra helsepersonell og fleire lege- og psykologspesialistar. Samstundes har vi eit sterkt engasjement for fagleg utvikling og vidareutvikling av behandlingstilbodet vårt.

Vi satsar på kvalitet, utvikling og kunnskapsbasert behandling. Mellom anna har vi etablert eit lokalt kvalitetsregister for kvalitetsforbetring og klinikknær forsking, og implementert fleire spesialiserte gruppetilbod -- inkludert 4-dagars angstbehandling og OCD-team på klinikknivå.

✨ Har du lyst til å bli ein del av laget vårt? Vi ønskjer deg velkomen til å søkje! ❤️

Kva går jobben ut på?

  • Utgreiing, diagnostisering og behandling av pasientar
  • Tverrfagleg samarbeid for å sikre heilskaplege og gode pasientforløp
  • Rettleiing og fagleg støtte til samarbeidspartnarar
  • Delta aktivt i fagleg utviklingsarbeid, rettleiing, undervisning og teamarbeid

Kva kompetanse er viktig i denne rolla?

  • Du har norsk autorisasjon som psykolog.
  • Du har gjerne erfaring frå DPS/VOP eller frå arbeid med individualterapi i kommunal regi.
  • Du har interesse for psykologifaget og eit engasjement for fagleg utvikling og vidareutvikling av behandlingstilbod.
  • Du har gode norskkunnskapar, både munnleg og skriftleg.

Kva ser vi etter hos deg?

Hos oss er det viktig at du:
  • Har gode kommunikasjons- og samarbeidsevner.
  • Trivst med å jobbe i tverrfaglege team og verdset kompetansen til andre.
  • Bidreg positivt til arbeidsmiljøet -- noko vi ved Stord DPS (SDPS) legg stor vekt på!
  • Er strukturert, tek initiativ og har god gjennomføringsevne.
Personlege eigenskapar blir vektlagd

Kvifor skal du velje oss?

  • Ei fast dagstilling med arbeidstid på 37,5 timar per veke.
  • Ein inkluderande arbeidsplass som er oppteken av trivsel, fellesskap og eit godt arbeidsmiljø (IA-bedrift).
  • Gode moglegheiter for både fagleg og personleg utvikling.
  • Eit stabilt og engasjert fagmiljø med fokus på samarbeid, kvalitet og utvikling.
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Om bedriften

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

For å bli betre kjend med oss, kan du sjå her www.helse-fonna.no.

Sektor

Offentlig

Del annonsen

Annonsedata

Rapporter annonse
Stillingsnummer

7aff8d12-d98c-4018-a7d9-f3685ec14ccd

Sist endret

16. november 2026

Hentet fra

FINN

Referanse

480869212

Lignende annonser

Laster lignende annonser