Seksjonsleiar

Finanstilsynet søker ein ny seksjonsleiar til seksjon for tilsyn med mellomstore og små bankar. Seksjonen består av 22 medarbeidarar, i hovudsak økonomar, og seksjonen er ein del av avdelinga for bank- og forsikringstilsyn. Seksjonsleiaren er medlem av leiargruppa til avdelinga.  

Seksjonen har det operative tilsynsansvaret for bankane mellomstore og små bankar, og forvaltningsansvaret for soliditetsregelverket for standardmetodebankane. Seksjonen har også forvaltningsansvar for likviditetsregelverket og for regelverket på operasjonell risiko, som heilheit. I tillegg har seksjonen også rapporteringsansvar for delar av CRR-rapporteringa samt engasjementsrapportering. Eit viktig formål med tilsynet er å sjå til at føretaka har god styring og kontroll, er solide og elles følger lover og forskrifter som gjeld for verksemdene. Seksjonen deltek i det internasjonale arbeidet til Finanstilsynet innanfor området til seksjonen, blant anna ved å delta i komitear og arbeidsgrupper innan EU/EØS og i Den europeiske banktilsynsmyndigheita (EBA).

Seksjonsleiaren har ei viktig rolle med å planlegge, følge opp og kvalitetssikre arbeidet til seksjonen og sjå til at seksjonen har effektive arbeidsprosessar. Seksjonsleiaren har også ei viktig rolle med å koordinere internt og mot andre seksjonar. Arbeidsoppgåvene er varierte og inneber kontakt og samarbeid med bransjeforeiningar, marknadsaktørar, andre offentlege etatar og tilsynsmyndigheiter i andre land.

Arbeidsoppgåver

Stillinga inneber operative og strategiske leiingsoppgåver der samfunnsoppdraget og hovudmåla til Finanstilsynet står sentralt. Seksjonsleiaren skal leie og inspirere medarbeidarane sine i ein variert arbeidskvardag, der det er store krav til fagleg kvalitet og effektivitet i gjennomføringa. Finanstilsynet legg vekt på å ha eit godt arbeids- og læringsmiljø. Stillinga er fagleg utfordrande og omfattar eit breitt spekter av problemstillingar på bankområdet. Du må rekne med noko reiseverksemd.

Kvalifikasjonar

• høgare relevant utdanning på masternivå med gode resultat  
• relevant erfaring frå tilsynsarbeid og/eller arbeid i banksektoren  
• solid kunnskap om finansmarknadene 
• god munnleg og skriftleg framstillingsevne, på norsk og engelsk
• kunnskap om CRR/CRD og regelverka som seksjonen forvaltar er ein fordel 
• erfaring frå arbeid med å effektivisere og digitalisere arbeidsoppgåver er ein fordel 

Leiarerfaring er ein fordel, men personlege eigenskapar og motivasjon for stillinga vil tilleggast stor vekt. 

Personlege eigenskapar

• tydeleg, engasjert og motiverande 
• evne til å ta initiativ, involvere og samarbeide 
• takle tidspress og ha god gjennomføringsevne 
• analytisk, strukturert og systematisk 
• positiv og løysingsorientert  

Kvifor velje oss?

 Finanstilsynet har 

• eit viktig samfunnsoppdrag, spennande arbeidsoppgåver og eit godt arbeidsmiljø med kunnskapsrike og engasjerte kollegaer  
• gode moglegheiter for fagleg utvikling på ein arbeidsplass med høg fagkompetanse  
• gode velferdsordningar og ein generelt fleksibel personalpolitikk  
• medlemskap og moglegheit for lån i Statens pensjonskasse  
• fleksibel arbeidstid (inkludert sommartid) og betalt overtid  
• moglegheit for å trene i arbeidstida 
• tiltreding og lønn etter avtale 

 Viktig informasjon til deg som søkjer stillinga 

• For å bli vurdert for stillinga må du legge ved vitnemål og relevante attestar. 
• Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå http://arbeidsgiver.difi.no/positivsærbehandling   
• Alle tilsette i Finanstilsynet må følge dei etiske retningslinjene våre, sjå https://www.finanstilsynet.no/jobb-hos-oss/#Etiskeretningslinjer 
• Etter at søknadsfristen er gått ut, utarbeider vi ei offentleg søkarliste, sjå offentleglova § 25.  
• Du kan skrive søknaden på nynorsk eller bokmål. 
• Vi utfører ein bakgrunnssjekk av personen som blir tilsett i stillinga. 
• Les meir om Finanstilsynet på nettstaden vår, sjå www.finanstilsynet.no  

Kontaktinformasjon

Anders Sanderlien Hole, Avdelingsdirektør, +47 22 93 97 49
Bjørn Andersen, Senior tilsynsrådgiver, 22 93 98 64

Arbeidssted

Revierstredet 3
0151 OSLO

Nøkkelinformasjon:

Arbeidsgiver: Finanstilsynet

Referansenr.: 5037072265
Stillingsprosent: 100%
Fast
Søknadsfrist: 18.11.2025