Helsefagarbeider 100% fast 

Om stillinga

Me søkjer engasjert og fagleg interessert helsefagarbeidar i for tida 100 % døgnturnus. Me er på jakt etter deg som er fagleg trygg og engasjert med evne til å møte personar med respekt, varme og stuktur. Hos oss er det viktig å kunne arbeide sjølvstendig men også i team. Me ser etter deg som har hjartet på rett stad og ønskjer å gjere ein forskjell! 

Stillinga er ledig fra 01.02.26. 

Om oss 

Me er ei gruppe på 8 faste tilsette som jobbar i bustaden som ligg sentralt i Knarvik. Her jobbar me i team på 2 personar. Personalgruppa består i dag av vernepleiarar, sjukepleiarar, helsefagarbeidarar og assistentar med god erfaring innan feltet. Me er ein sosial og engasjert gjeng som jobbar for eit godt arbeidsmiljø på bustaden.

Arbeidsoppgåver

• Helsehjelp og praktisk bistand etter gjeldande rutiner
• Tilsyn
• Dokumentere i elektronisk journalsystem og nytte andre aktuelle fagsystem.
• Medikamenthandtering 
• Følgje opp vedtak etter helse og omsorgslova kap.9 
• Samarbeide med aktuelle samarbeidspartnarar.
• Bidra til å skape en trygg og god kvardag for tjenestemottakar
• Utføre helsefremjande og førebyggjande arbeid

Kompetanse

• Offentleg godkjend helsefagarbeidar/ hjelpepleiar
• God norsk munnleg og skriftleg framstillingsevne. 
• Sertifikat klasse B
• Gode digitale ferdigheiter og kjennskap til digitale dokumentasjonsverktøy
• Erfaring med helse og omsorgslova kap.9 
• Praktisk erfaring med målretta miljøarbeid 

Det er eit føremon om du har erfaring med tenestemottakarar med åtferd som utfordrer.

Kven er du?

• Du har gode relasjonelle ferdigheiter og evne til å skapa tillit over tid.
• Du er tygg i deg sjølv, handterer krevjande situasjonar med ro og tydelegheit, og tek kloke avgjerder under press. 
• Du har gode kommunikasjonsevner og ser betydninga av både små og store augneblinkar i relasjonsbygging.
• Du ser moglegheiter der andre ser utfordringar.
• Du ar evnte til etisk og fagleg refleksjon
• Du har interesse og engasjement for brukargruppa.
• Du er fleksibel og løysingsorientert
• Du er lojal mot vedtekne avgjerder og tiltak
• Du er etisk reflektert i møte med tenestemottakarar, kollegaer og samarbeidspartnarar

Me søkjer deg som trivast med å arbeide i døgnturnus, også på natta når kroppen vanlegvis er innstilt på søvn. Du som evner å vere sjølvstendig og handlekraftig, og skape tryggleik for våre tenestemottakarar. 

Dei personleg eigenskapar ovanfor vil bli lagt stor vekt på.

Me oppmodar menn til å søkja med bakgrunn i tenestemottakar sitt behov jf. . AML 13-3 og likestillings- og diskrimineringslova § 9 a).

Me tilbyr

• Ein meiningsfull jobb der du kan gjera ein konkret forskjell!
• Oppfølging og rettleiing
• Årsturnus
• Gratis parkering
• Moglegheit til å utvikla ferdigheitene dine i arbeid med relasjonar, sjølvstende og tilhøyrsel
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og me får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.