Har du brei erfaring frå politiet, kunnskap og interesse for nasjonal kriseberedskap og krisehandtering, og blir motivert av betydninga dette har for å løyse samfunnsoppdraget til politiet? Då vil vi gjerne høyre frå deg!

Vi har no ledig ei fast stilling som beredskapsplanleggjar, politioverbetjent, i Møre og Romsdal politidistrikt.

Stillinga er organisert ved Seksjon for operative fag, øving og beredskap og ligg under Felles eining for operative tjenester (FOT). FOT er leiing- og koordineringsssentral for både planlagde aktivitetar og operativ verksemd i politidistriktet. Vi handterer politiet sine naudmeldingar (112) og andre meldingar frå publikum og samvirkeaktørar. FOT består totalt av seksjon for operativ styring og seksjon for operative fag, øving og beredskap.

Aktuell stilling er stadsplassert i Kristiansund eller Ålesund, med moglegheit for noko tilpassa ordningar i periodar etter avtale med fagleiar og seksjonsleiar.

Arbeidsoppgåver

• Delansvar for å utvikle og vedlikehalde politidistriktet sitt planverk (PBS III)
• Delansvar i arbeidet med å utarbeide og kvalitetssikre operasjonsordrar knytt til planlagte aksjonar /operasjonar
• Aktivt søkje samarbeid med relevante samvirkeaktørar og harmonisere planverk med desse
  

I samarbeid med fagleiar:

• harmonisere planverk med relevante samvirkeaktørar
• planlegge, gjennomføre og evaluere beredskapsøvingar
• planlegge trening og øvingar for operativ stab
• planlegge, iverksette og evaluere arbeid med risiko- og sårbarheitsanalyser (ROS) innanfor politidistriktet sitt beredskapsfelt
• planlegge, koordinere og kvalitetssikre spesielle, førehandsvarsla politioperasjonar, som statsbesøk, offisielle besøk, trusselutsatte statsrådar og andre myndigheitspersonar, sikkerheit ved store arrangement og skjerpa grensevakthold
• gjennomføre pålagte øvingar på regionalt og nasjonalt nivå
• delta i lokale og regionale sikkerheits- og beredskapsfora
• rapportere status på lokalt planverk i henhold til sentrale føringar
• bidra til å vareta god sikkerheitskultur i politidistriktet
• kan bli pålagt andre oppgåver av seksjonsleiar

Kvalifikasjonar

Nødvendige:

• Politihøgskole/Politiskole
• Brei erfaring frå politiet sine gjeremål
• Må ha god kunnskap om nasjonal kriseberedskap og krisehandtering, herunder politiet sitt samfunnsoppdrag
• God munnleg og skriftleg framstillingsevne på norsk og engelsk
• God kjennskap til politiet sine operative styringssystem
• Må kunne sikkerhetsklareres på nivå Hemmelig, ihht. Sikkerhetsloven
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Ønskeleg:

• Studiet beredskapsplanlegging frå Politihøgskolen
• Aktuelle utdanningsretningar kan også vere samfunnsssikkerheit og beredskap, risiko, krisehandtering frå Politihøgskolen eller tilsvarande
• Ønskeleg med erfaring frå øving og beredskapsarbeid

Personlege eigenskapar

Personlege eigenskapar vil bli vektlagt i rekrutteringsprosessen

• Evne til å rettleie, bygge relasjonar og samarbeide både internt og eksternt 
• Evne til raskt å setje seg inn i problemstillingar og utvikle beslutningsgrunnlag
• Stor grad av gjennomføringsevne
• Sjølvstendig, strukturert og nøyaktig
• Heilskapsorientert 
  

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil vere med på å forme politiet for framtida
• Stillinga vert lønna som politioverbetjent (stillingskode 0287), frå kr. 640 000 til kr. 700 000 brutto per år
• For særskilt kvalifiserte kan noko høgare lønnsplassering bli vurdert
• Godtgjering etter gjeldande ATB avtale
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse.
• Fleksibel arbeidstid
• Moglegheit til trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste
  

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Vebjørn Bale, Seksjonsleiar, 92432750

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4914066765
Stillingsprosent: 100%
Fast stilling
Søknadsfrist: 17.03.2025