Politibetjent 3/2/1

Om stillinga

Vi har for ledig ei fast stilling som politibetjent 3/2/1 ved Indre Nordmøre politistasjonsdistrikt. 

Vi søkjer deg som har høg motivasjon for å arbeide i kombinert stilling med vakt og beredskap, etterforsking og førebygging, og som vil vere med på å utvikle polititenesta i Indre Nordmøre politistasjonsdistrikt. Arbeidsstad er for tida Tingvoll politistasjon.

Vi kan tilby eit inkluderande arbeidsmiljø med spennande og varierte arbeidsoppgåver, der vakt og beredskap og etterforsking vil vere ein viktig del.

I delar av døgnet er beredskapen dekt av beredskapsvakt med utrykking frå heimen. På grunn av dette må den som blir tilsett opphalde seg i vaktregionen under tida med beredskapsteneste, og vere i stand til å rykkje ut raskt (ihht. responstid for politiet) i politistasjonsdistriktet Indre Nordmøre. I periodar kan ein måtte pårekne arbeid innan andre tjenesteområde, avhengig av behov i driftseininga.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi etter medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. 

Arbeidsoppgåver

• Arbeid innanfor vakt og beredskap i turnusteneste etter gjeldande tenestelister
• Etterforskingsoppgåver
• Utføre etterforsking med politiarbeid på staden (PPS) som arbeidsmetode
• Kriminalitetsførebyggande arbeid
• Arbeid med forvaltning og sivile gjeremål
• Andre oppgåver kan påleggast

Kvalifikasjonar

Dette må du ha for å vere kvalifisert:

• Bestått grunnutdanning frå Politi(høg)skulen. Vitnemål og karakterskjema skal fyllast ut og leggast ved søknaden, sjå https://www.politiet.no/sok/?SearchText=karakterskjema.
• IP4-godkjenning, eventuelt at du kan bli godkjent på nytt
• Må ha mogelegheit til å rykke ut ihht. responstid for politiet i Indre Nordmøre politistasjonsdistrikt ved beredskapsvakt.
• God munnleg og skriftleg framstillingsevne
• Plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga 

Det er også ønskjeleg med:

• Erfaring frå politistilling
• Gode resultat frå utdanning ved Politi(høg)skulen
• Etter-/vidareutdanning frå Politi(høg)skulen / anna relevant tilleggsutdanning
• Anna relevant erfaring

Personlege eigenskapar

For å trivast og lukkast i stillinga, ser vi for oss at det er viktig at du:

• Gode samarbeidseigenskapar
• God evne til kommunikasjon og evne til å byggje tillit hos publikum
• Ansvarsbevisst
• Kan jobbe sjølvstendig og strukturert 
• Handlekraftig og tek initiativ

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass i politiet
• Fast stilling i Møre og Romsdal politidistrikt. Stillinga vert lønna som politibetjent 3/2/1 (SKO 1461/1459/1457).Tilsetting er avhengig av kompetanse, jf. Kompetansekriteriene for politibetjenter.
  • Politibetjent 3 - brutto årslønn frå kr. 590 000
  • Politibetjent 2 - brutto årslønn frå kr. 535 000
  • Politibetjent 1 - brutto årslønn frå kr. 510 000
• Ved eventuell endring av tjenesteområde vert det gitt lønnsplassering etter gjeldande lønnsnivå for området.
• For særskilt kvalifiserte kan noko høgare lønnsplassering bli vurdert
• Godtgjersle etter gjeldande ATB og tillegg for eventuell turnusteneste
• Du vil bli medlem i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon
• Det blir trekt to prosent frå løna til innskot i Statens pensjonskasse
• Mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.