Overingeniør i materialvitskap

Om stillinga

Universitetet i Stavanger har ledig eittårig vikariat som overingeniør i materialvitskap, med moglegheit for forlenging. Stillinga er organisatorisk plassert ved laboratoriet knytt til Institutt for energi og petroleumsteknologi ved Det teknisk-naturvitskaplege fakultetet.

Den som vert tilsett skal bidra med god og relevant rettleiing både for studentar og tilsette. Arbeidsoppgåvene er svært varierte og inkluderer samarbeid på tvers av avdelingar i eit internasjonalt miljø. Det aktuelle vikariatet vil vere knytt til laboratoria for røntgendiffraksjon (XRD) og geologisk prøvepreparering. Vår XRD vert brukt tverrfagleg av studentar, stipendiatar og forskarar frå ulike institutt, på svært variert prøvemateriale. I tillegg vert laboratoria brukte til preparering av prøver som innstøyping, kutting, knusing, maling, separasjon, mikroskopi, partikkelstorleiksfordeling og tynnslip.

Du kan lese meir om laboratoria våre på Laboratorium for geologi og reservoar | Universitetet i Stavanger.

Hovudoppgåver

• dagleg vedlikehald og drift av XRD, inkludert opplæring, prøvepreparering, analysar og tolking
• vere med på å få ny XRD (våren 2026) i gang, inkludert opplæring, utarbeiding av prosedyrar, kvalitetssikring av data m.m.
• bidra til å sikre dagleg drift av andre aktivitetar ved geologilaboratoriet
• delta i andre relevante oppgåver ved instituttet

Kvalifikasjonar

Du må ha:

• relevant utdanning på minimum bachelornivå innanfor et relevant fagområde: geologi, kjemi, fysikk, materialteknologi eller tilsvarande naturvitskapleg disiplin. Særleg relevant erfaring kan kompensere for utdanningskravet.
• gode ferdigheiter i engelsk språk, både munnleg og skriftleg.

Det er ynskjeleg at du har:

• erfaring innan instruksjon/rettleiing
• erfaring med drift og vedlikehald av laboratorieutstyr
• erfaring med bruk av XRD, samt tolking av XRD-data og å kvantifisera desse (Rietveld refinement)
• gode ferdigheiter i norsk språk, både munnleg og skriftleg

Vidare vert det lagt vekt på at du:

• er serviceinnstilt, fleksibel og imøtekommande
• har gode kommunikasjons- og samarbeidsevner
• er sjølvstendig, effektiv og strukturert
• er initiativrik og resultatorientert

Vi tilbyr

• varierte arbeidsoppgåver i ein stor organisasjon med eit viktig samfunnsoppdrag
• eit inkluderande arbeidsmiljø med fokus på fagleg utvikling.
• lønn etter Statens lønnsregulativ l.pl 90.103, kode 1087, kr 630.000 - 720.000 bto pr år. I særskilte tilfelle kan høgare lønn bli vurdert. Frå løna vert det trekt lovfesta innskot til Statens pensjonskasse.
• medlemskap i Statens pensjonskasse som sikrar gode pensjons- og forsikringsordningar
• meir om gode for tilsette og fordelar på våre nettsider

Mangfald

Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar.  

På UiS er vi opptatt av å vise respekt for kvarandre med dei ulikskapane vi har, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar. 

Om du synest stillinga er interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du har vore utanfor arbeidslivet ei tid.   

Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst inn éin søkjar i kvar av desse gruppene til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.

Les meir om krava for å bli vurdert som søkjar i desse gruppene her.

Universitetet vil rekruttera fleire kvinner til avdelinga og oppmodar derfor spesielt kvinner til å søke. Dersom fleire søkjarar vert vurdert til å ha likeverdige kvalifikasjonar, vil ei kvinne bli prioritert føre ein mann.

Søknad

Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.

Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.

Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.

Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette. 

UiS vurderer berre søknadar og vedlegg som er registrert i Jobbnorge.