Arbeidet i skulen er spennande og varierande. Øystre Slidre kommune erkjenner at ein i for stor grad kan bruke tid på enkeltsaker og andre oppgåver. Vi arbeider derfor med å endre tidsbruken meir over til fag og undervisning. Vi meiner det er viktig at lærarane i mest mogleg grad får undervise i faga dei har. For å lykkast er det viktig med god kollegastøtte, og at vi saman i alle ledd, frå administrasjonen i kommunen til kvar enkelt tilsett, legg til rette for gode arbeidskvardagar med elevane i sentrum. Vi har eit godt grunnlag å bygge på med gode, engasjerte tilsette. Synast du dette virkar spennande, håpar vi du vil søke jobb hjå oss. 

Det er ledige stillingar på Lidar skule, Rogne skule og Øystre Slidre ungdomsskule:

Lidar skule har 350 % fast stilling og 100% vikariat for skuleåret 25-26.

Lidar skule har ledig 47% fast stilling som inspektør. Denne stillinga kan kombinerast med lærarstilling.

Lidar barneskule har 98 elevar skuleåret 24/25. Det er 7 klasser i tillegg til ei basisgruppe for individuell tilrettelagt opplæring.
Vi organiserer oss i to team, 1.-4. trinn og 5.-7. trinn. Vi har to lærarar per trinn i basisfaga. Vi kan og friste med eit godt arbeidsmiljø, ein godt etablert delingskultur og eit kollegium som set elevane i sentrum.

Rogne skule har ledig 40% fast stilling og 60% vikariat for skuleåret 25-26. Skulen vil ha 105 elevar på 1.-7. trinn komande skuleår og har over tid arbeidd med satsing på trygt og godt skulemiljø. Vi har god pedagogdekning på alle trinn, noko som gir godt rom både for tolærarsystem i basisfag og til å kunne prioritere tidleg innsats. På 5.-7. trinn har vi ein skuledag i veka med tverrfagleg arbeid der elevane jobbar med praktiske, kreative og estitiske arbeidsmåtar, i små grupper som er inndelt på tvers av klassetrinn. Vi samarbeider tett på trinn og i team i eit stabilt kollegium som tør å tenkje ulikt og som utfyller kvarandre godt. 

Øystre Slidre ungdomsskule har ledig 2 faste stillingar i 100%. Der er og 240% vikariat for skuleåret 2025-2026. 
Vi har 113 elevar skuleåret 24/25. Vi jobbar i hovudsak i team, men og i ein to-lærar funksjon. I to-lærarfunksjonen samarbeidar faglærarane på tvers av trinna. Mykje av samarbeidet i basisfaga foregår i fagseksjonar som vi set av tid til gjennom skuleåret. På ØSUS er vi opptekne av å skape gode relasjonar med både elevane og foreldra. Hjå oss vil du møte engasjerte og motiverte vaksne som og set pris på godt kollegialt samarbeid og fellesskap. Vi ønskjer å legge tilrette for at skulekvardagen blir så god som mogleg for ungdomane våre, med tydelege rammer og forventningar, både fagleg og sosialt. 

På alle skulane kan det bli andre ledige stillingar.

Vi bed om at du spesifiserer i søknaden kva for skule(r) du ynskjer å arbeide på.

Vi ser fram til å høyre frå deg! 

Arbeidsoppgåver

• Undervisning
• Kontaktlærarfunksjon
• Vera med å skape aktivitet og tryggleik i skulemiljøet
• Delta aktivt i utviklingsarbeidet i skulen
  
  

Kvalifikasjonar

Lærarar med trygg og god klasseleiing som legg til rette for fagleg fokus

• Godkjent utdanning for arbeid i grunnskulen, jmf. Forskrift til opplæringslova, §12-1 - §12-6
• God kompetanse innan klasseleiing og relasjonar
• Gode faglege og didaktiske ferdigheiter
• God digital kompetanse
• Gode norskkunnskapar munnleg og skriftleg
• Lærarstudentar kan bli vurdert for tilsetting på vilkår om at utdanninga blir fullført. 

 

Lidar skule søker lærarar med formell kompetanse i spesialpedagogikk, engelsk, kroppsøving og begynneropplæring.

Rogne skule søker lærarar med formell kompetanse i matematikk, spesialpedagogikk og engelsk. 

Øystre Slidre ungdomsskule søker lærarar med formell kompetanse i spesialpedagogikk, engelsk og krle.

 

 

Personlege eigenskapar

For elevane i Øystre Slidre er det viktig at du:

• er ein trygg klasseleiar 
• er ein tydeleg vaksen som rettleiar elevane når dei treng det
• kan bygge gode relasjonar med elevane, foreldra og dei tilsette ved skulane
• har gode samarbeidsevner, er fleksibel, robust og er ein god lagspelar
• har fokus på fagleg og sosial læring og utvikling
• ser verdien av og tek initiativ til å løyse oppgåver og utfordringar saman i team
• har ynskje om å utvikle deg vidare som lærar saman med profesjonsfellesskapen

Vi tilbyr

Når du kjem til oss i Øystre Slidre, vil du møte vaksne som er opptekne av relasjonsskaping, fagleg utvikling og samarbeid. Tilsette ved skulane har gode verdiar for samhandling med elevar, foreldre og kolleger. På skulene hjå oss verdset vi høgt det å ha eit godt miljø. Respekt, samarbeid, lagspel og humor er viktige faktorar i kvardagen. Elevane våre er i læring til å bli best mogleg rusta til å møte samfunnet som vaksne personar. Ledelsen på vår skule er og oppteken av å vere ei støtte og tilstades for personalet sitt. Vi opplever at vi samarbeider godt med elevane våre og dei treng tydelege vaksne som kan rettleie dei når det trengs. Vi har gode skulebygg og uteområde/lokalområde som innbyr til uteskule og allsidig aktivitet.
Som nyutdanna får du både individuell rettleiing og grupperettleiing. 

Kontaktlærarane i Øystre Slidre får utvida tid til kontaktlæraroppgåver dersom du har fleire enn 15 elevar. Det blir fleire kontaktlærarar dersom trinnet har meir enn 20 elevar.
Vi oppfordrar og legg til rette for vidareutdanning.
Lærarar har telefongodtgjering.
Kommunen kan tilby gode forsikrings- og pensjonsordningar og flyttegodtgjering.

Vi oppfordrer også lærarstudentar til å søkje. Er studiet lagt opp slik at du kan kombinere det med jobb, vil du skaffe deg nyttig erfaring. Dersom du kan jobbe 50% eller meir, får du ekstra tilrettelegging frå kommunen.

Kontaktinformasjon

Sissel Dahle Lie, Rektor Lidar skule, 99690813
Are Alund, Rektor Rogne skule, 99734175
Siv Aina Theodorsen, Rektor ØSUS, +47 41761631

Arbeidsstad

Bygdinvegen 1989
2940 HEGGENES

Nøkkelinformasjon:

Arbeidsgivar: Øystre Slidre kommune

Referansenr.: 4918048350
Stillingsprosent: 100, 40%
Fast, Vikar
Søknadsfrist: 05.03.2025