Fysioterapeut

Voss Sjukehus har ledig 80- 100% vikariat som fysioterapeut frå 1. november 2025 til 1. juni 2026, og med mogelegheit til forlenging 

Vi ser etter deg som er klar for ein spennande og aktiv kvardag i spesialisthelsetenesta, som trivast med varierte og utfordrande oppgåver. 

Om avdelinga
Som fysioterapeut ved Voss Sjukehus er du organisert i Kirurgisk avdeling men yter fysioterapitenester til tilviste pasientar innanfor alle fagområda på dei ulike  avdelingane ved sjukehuset; Kirurgisk avdeling, Medisinsk avdeling,  Intensiv avdeling  og Føde- og gynekologisk avdeling. Fysioterapeutane utfører behandling til  pasientar som er inneliggande og i poliklinikk og samhandlar med andre yrkesgrupper som er involvert i pasienten. Som fysioterapeut arbeider ein dagtid og kring kvar 5. laurdag.  

I Kirurgisk avdeling har ein samla all aktivitet innan fagområdet for kirurgi og ortopedi for døgn-, dag- og poliklinikkpasientar. Kirurgisk avdeling vil handtere elektiv drift og øyeblikkeleg hjelp, i poliklinikk og på sengepost.  Ved avdelinga er det tilsett fysioterapeutar, sjukepleiarar, helsefagarbeidarar, ergoterapeut, klinisk ernæringsfysiologar, sosionom og merkantilt personale. 

Om Sjukehuset
Voss sjukehus er eit akuttsjukehus med traumefunksjon. Vi har akuttfunksjon innan indremedisin, kirurgi og ortopedi, føde- og gynekologi. Sjukehuset har høg aktivitet og ønsker å halde fram den positive utviklinga. Opptaksområdet er på om lag 30.000 innbyggjarar fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger. Sjukehuset er del av Helse Bergen, og har tett fagleg samarbeid med avdelingar ved Haukeland universitetssjukehus. Det er om lag 400 tilsette ved Voss sjukehus.   

Om Voss
Voss er ein god stad å bu. Det er eit godt oppvekstmiljø med godt utbygd barnehage og skuletilbod med to nye vidaregåande skular.  Voss er også  ein attraktiv stad som tiltrekkjer seg folk frå heile verda med sine korte avstandar til kulturarrangement, naturopplevingar og meir ekstreme aktivitetar for store og små gjennom alle årstider.  Nord-Europas mest moderne gondolbane går rett opp frå sentrum og startar berre eit steinkast frå sjukehuset .  

Arbeidsoppgåver

• Undersøke, behandle og rettleie pasientar på sengepost og i poliklinikk, innanfor fagområda ortopedi, generell kirurgi, indremedisin og kvinnehelse
• Undervisning og rettleiing av grupper
• Ta del i tverrfagleg samarbeid
• Ta del i fagleg utviklingsarbeid
• Rettleing av turnusfysioterapeut  

Kvalifikasjonar

Krav om: 

• Norsk autorisasjon som fysioterapeut 
• Meistre norsk munnleg og skriftleg godt 
  

Ønske om: 

• Erfaring frå spesialisthelsetenesta innanfor fagområda ortopedi, generell kirurgi, generell indremedisin og kvinnehelse. 
• Erfaring med IT-system nytta i spesialisthelsetenesta 

Personlege eigenskapar

• Du har god fagleg vurderingsevne, arbeider målretta og strukturert
• Du har gode evner til tverrfagleg samarbeid og meistrar eit høgt tempo 
• Du er løysingsorientert og fleksibel 
• Du må kunne arbeide godt både sjølvstendig og saman med andre
  
• Du kommuniserer og samarbeider godt med pasientar, pårørande og medarbeidarane dine 
• Du bidreg til eit fagleg og kollegialt godt miljø 

Vi tilbyr

• Eit ope og godt arbeidsfellesskap med kvailitet og fag i fokus i eit tverrfagleg miljø
• Ein spennande og utfordrandes jobb i sjukehus med akuttfunksjon
• Lønn etter gjeldande tariff 
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. 

Kontaktinformasjon

Kjersti Gulbrandsen Skattum, Assisterande seksjonsleiar, 97050481, kjersti.gulbrandsen.skattum@helse-bergen.no

Arbeidsstad

Sjukehusvegen 16
5704 Voss

Nøkkelinformasjon:

Arbeidsgivar: Helse Bergen HF

Referansenr.: 5028329280
Stillingsprosent: 100%
Vikariat
Startdato: 01.11.2025
Søknadsfrist: 26.10.2025