Rekneskapsrådgjevar

Vil du vere med og forme framtidas rekneskapsfunksjon i Helse Førde?

Vi søkjer ein utviklingsorientert og fagleg sterk rådgjevar som vil vere med på å vidareutvikle rekneskapsområdet i ei tid prega av digital omstilling og høge krav til kvalitet og effektivitet.

Rekneskapsseksjonen er ein del av økonomiavdelinga i Helse Førde, som samla har om lag 25 tilsette. Seksjonen har ansvar for rekneskapsføring, innkjøp og kvalitetssikring av økonomisk dokumentasjon i tråd med avtalar og gjeldande regelverk.

Vi samarbeider tett med dei andre helseføretaka i regionen for å sikre gode og effektive prosessar. Vi nyttar rekneskapssystemet SAP som økonomisystem med integrerte løysingar for innkjøp og logistikk, samt DIPS og Sectra som pasientsystem.

Vi ser etter deg som vil bidra til å styrke vårt fagmiljø, og som trivst med varierte rekneskapsoppgåver i eit inkluderande og kompetent team.

Velkommen til oss i Helse Førde!

Arbeidsoppgåver

• Rådgiving og utvikling: Fagleg støtte til rekneskapssjef og økonomifunksjonen, rutineutvikling, kompetanseheving, prosjektarbeid
• Operative oppgåver: Bilagsbehandling og bokføring, avstemming av balansepostar, oppfølging av rekneskapsrelaterte spørsmål i tråd med regelverk og god rekneskapsskikk
• Digitalisering og effektivisering: Bidra til utvikling og innføring av digitale løysingar
• Ansvar ved fråvær: Vikar for rekneskapssjef ved behov

Kvalifikasjonar

• Relevant utdanning innan økonomi/rekneskap, minimum bachelornivå
• Erfaring frå rekneskapsarbeid, gjerne med ansvar for rekneskap frå A til Å
• Erfaring som kundeansvarleg, fagansvarleg eller rådgjevar innan rekneskap er ein fordel
• Gode samarbeidsevner og evne til å arbeide sjølvstendig og strukturert
• God systemforståing og interesse for digitalisering og prosessforbetring; erfaring med SAP S/4HANA er ein fordel
  

Personlege eigenskapar

• Initiativrik og utviklingsorientert
• Sjølvstendig, men samarbeidsorientert
• Utadvendt og bidreg til eit positivt arbeidsmiljø
• Fagleg engasjert og interessert i teknologi og digitale løysingar

Kvifor skal du velge oss ?

• Moglegheit til å ta ansvar for utvikling av arbeidsprosessar, bruk av teknologi og fagleg vidareutvikling
• Varierte arbeidsoppgåver med høve til fagleg fordjuping
• Tverrfagleg samarbeid med klinikkar og regionale fagmiljø
• Sterkt kompetansemiljø og godt arbeidsmiljø
• Fleksibel arbeidstid og lønn etter avtale
• Gode pensjonsvilkår gjennom KLP

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ann Kristin Solheimsnes Vindheim, Regnskapssjef, (+47) 578 39 016

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5032424444
Stillingsprosent: 100%
Fast
Søknadsfrist: 23.11.2025