Intensivsjukepleiar/Sjukepleiar

Vil du jobbe i ei av Europas mest moderne intensivavdelingar?

Intensivavdelinga ved Sjukehuset Nordmøre og Romsdal (SNR) har ledig fire faste 100 % stillingar som intensivsjukepleiar, samt tre mellombelse vikariat i 100 % stilling. Oppstart etter nærare avtale.

Som intensivsjukepleiar ved SNR blir du del av eit sterkt fagmiljø som arbeider i team saman med andre profesjonar – mellom anna anestesilegar, indremedisinarar, kirurgar, fysioterapeutar, logopedar og kliniske ernæringsfysiologar. Hos oss er fagutvikling, opplæring og inkludering viktige satsingsområde. Arbeidsmiljøet er prega av høg kompetanse, støtte, humor og samhald.

Sjukehuset er også traume- og donorsjukehus. Vi har jamlege simuleringsdagar saman med anestesilegar, som styrkjer både det faglege og sosiale samarbeidet. Turnusen inkluderer faste dagar for fagutvikling og medisinsk-teknisk oppdatering (MTU), og vi har særleg fokus på simulering.

Er du nysgjerrig på kva vi kan tilby? Du er hjarteleg velkomen til å ta kontakt, eller til å stikke innom for å sjå om dette kan vere noko for deg. Vi er ein triveleg gjeng med dyktige fagfolk og ser fram til å få nye, engasjerte kollegaer!

Følg oss gjerne på Instagram: @intensiv_snr_hmr

Hugs å laste opp vitnemål, tenestebevis og attestar som vedlegg til søknaden din.

Arbeidsoppgåver

• Sjukepleie til akutt og kritisk sjuke pasientar
• Sjukepleie til postoperative pasientar – både barn og vaksne – innan gastro, urologi, ortopedi, ØNH, gynekologi og auge
• Sjukepleie til intensiv- og overvåkingspasientar innan fagfelta kirurgi, medisin, nevrologi og gynekologi/føde
• Deltaking i hjartestans-teamet (to sjukepleiarar til ei kvar tid)

Kvalifikasjonar

• Autorisasjon som intensivsjukepleiar
• Kandidatar med anna relevant spesialisering (t.d. anestesi eller akutt) kan også vere aktuelle
• Autoriserte sjukepleiarar utan spesialisering oppmodast òg til å søkje

Personlege eigenskapar

• Du har ei positiv haldning og interesse for intensivfaget og pasientane som treng denne typen behandling
• Du er endringsvillig, utadvendt og engasjert
• Du arbeider sjølvstendig og trivst i samarbeid med kollegaer, pasientar og pårørande

Personleg eignaheit blir vektlagt ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Arbeidssted

Nøkkelinformasjon: