Sunnfjord brann og redning søker leiar for brannberedskap

Sunnfjord Brann og redning har 6 brannstasjonar med omlag 70 deltidstilsette og hovudbrannstasjonen i Førde har dagkasernering. Vi har eit breitt spekter av oppgåver som skapar ein svært spennande og variert arbeidskvardag.

Vi har ledig:

Vi søkjer ein trygg og fagleg sterk leiar til ansvar for den operative brannberedskapen. 
Du får ansvar for å leie og utvikle beredskapen, følgje opp mannskap, kompetanse, øvingar, utstyr og operative rutinar, og bidra i plan- og analysearbeid knytt til risiko og beredskap.

Arbeidsoppgåver:

• administrativ og fagleg leiing av beredskapsavdelinga
• utarbeide, vedlikehalde og kvalitetssikre det operative planverket for brannberedskapen implementere og følgje opp HMS- rutinar
• ta del i leiinga av brannvesenet
• funksjonar som vikar for brannsjef og overordna vakt kan bli lagt til stillinga

Kvalifikasjonar:

Du må:

• oppfylle kompetansekrava til leiar for beredskapsarbeidet etter brann- og redningsvesenforskrifta, og:
• ha universitets- eller høgskoleutdanning på bachelornivå,
  eller ha kvalifikasjonar som utrykkingsleiar i heiltidsbrannvesen.
  Ein må då vere villig til å gjennomføre naudsynt befalsutdanning ved Brann- og redningsskolen.
  
• ha relevant leiarerfaring og dokumentert operativ erfaring
• ha gode norskferdigheiter, både munnleg og skriftleg
• ha førarkort klasse B

Kurs i overordna vaktberedskap og innsatsleiing må vere gjennomført, eller gjennomførast innan fristen fastsett i forskrifta.

Vi ser etter deg som er tydeleg, strukturert og trygg i leiarrolla. Du må kunne ta gode avgjerder under press, stille krav til kvalitet og tryggleik, og samarbeide godt med medarbeidarar og andre beredskapsaktørar.

Vi søker deg som har:

• operativ erfaring frå brann- og redningsvesen
• erfaring med operativ leiing av personell
• god kunnskap om innsatsleiing, beredskapsplanlegging og relevant regelverk
• erfaring med øving, kompetanseutvikling og systematisk HMS-arbeid
• gode datakunnskapar

Vi tilbyr:

• ei sentral og samfunnsviktig leiarstilling
• eit fagleg sterkt og engasjert arbeidsmiljø
• varierte og utfordrande arbeidsoppgåver
• gode pensjons- og forsikringsordningar

Du må søke elektronisk.

Alle søkarar kjem på offentleg søkarliste, jf. offentleglova § 25. Fritak frå offentleggjering blir gjort unntaksvis og du må grunngje kvifor du skal unntakas offentlegheit i tekstfeltet til søknaden.

Link til søknadsskjema: Søk her