Kontrollingeniør, veg og trafikk

Om stillinga

Statens vegvesen har ledig stilling som kontrollingeniør veg og trafikk på ein av dei største kontraktene nokon sinne i Vegvesenet, Rv. 555 Sotrasambandet. Prosjektet vert gjennomført som Offentleg-Privat Samarbeid (OPS). Sotra Link AS skal byggje på vegne av Vegvesenet og har per i dag ca. 800 personar i arbeid. 

Stillinga vil vere ein del av ei gruppe på vel 5 personar som skal ha ansvar for å følgje opp vegbygging og trafikkavvikling i prosjektet.

Som tilsett hos oss får du vere med på å løyse samfunnsoppdraget vårt og i tillegg vere med å forme eit prosjekt som etterlet seg eit etterlengta veganlegg med landemerke som vil vere synleg i over 100 år. 

Dine arbeidsoppgåver vil mellom anna vere:

• Dagleg oppfølging av leverandørens arbeid på byggeplass knytt til vegbygging og trafikkavvikling
• Kvalitetssikre leveransane på byggeplass 
• Følge opp leverandørens kvalitets- og fremdriftsplaner mot aktiviteter på byggeplass 
• Utføre stikkprøvekontroll på byggeplass og rapportere i kvalitetssystema 
• Følge opp HMS og YM på byggeplass 
• Vurdere og følge opp rapportering av avvik. 
• Koordinere mot andre fag og kontrollørar 
• Følge opp OPS leverandøren si etterleving av krav i kontrakten, forskrifter, handbøker og normalar innan fagområdet 

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. 

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Fagleg påfyll – mange moglegheiter for kurs og vidareutdanning.
• Meir om gode som tilsett på våre nettsidar: Ansattgoder | Statens vegvesen

Lønna di blir avtalt i samsvar med lønnspolitikken vår.

Kvalifikasjonskrav:

• Minimum 3-årig teknisk utdanning frå høgskule, eller universitet / relevant fagbrev
• God skriftlig og muntlig fremstillingsevne på norsk og engelsk
• Førerkort klasse B

Omfattande og relevant erfaring innanfor dei aktuelle fagområda kan kompensere for manglande formell utdanning.

• Kjennskap til vegbygging og trafikkavvikling
• Interesse i bruk av BIM
• Kjennskap frå arbeid i fleirfaglege prosjekt med høg kompleksitet
• Erfaring frå oppfølging av leverandørar og utstyr knytt til fagområdet 

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR:  Godkjenning av utenlandsk utdanning – jobb i Norge | HK-dir

Vi vektlegg motivasjon og engasjement for stillinga og samfunnsoppdraget vårt.

• Du finn god balanse mellom operativt og strategisk oppfølging
• Du er ein positiv lagspelar som tek initiativ og er løysingsorientert
• Du samarbeider godt og trivest med å jobbe med fleire oppgåver samtidig
• Du har gode samarbeidsevner, er resultatorientert og set rettidig leveranse høgt
• Du har fokus på gjennomføring og god kvalitet i leveransane sjølv med høgt tempo og krevjande fristar
• Du jobbar sjølvstendig og strukturert

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.