Saksbehandlar

Vil du bruke engasjementet ditt til å gjere ein forskjell – der det verkeleg betyr noko?
NAV Midt-Telemark og Nome har no ledig eit 100 % vikariat som saksbehandlar etter lov om sosiale tenester, og vi søkjer deg som brenn for å møte menneske med varme, respekt og tru på endring.

Hos oss får du vere ein del av eit kontor som jobbar førebyggjande og heilskapleg – i tett samarbeid med arbeidsgivarar, fastlegar, tiltaksbedrifter og andre aktørar i lokalsamfunnet som bidreg til å gje gode tenester til innbyggjarane våre. NAV jobbar målretta med å gje menneske moglegheiter. Vi gjev kommunale og statlege tenester til innbyggjarar i Nome og Midt-Telemark, med mål om sjølvforsørging og varig tilknyting til arbeidslivet.

Vi ser etter deg som har evne til å møte menneske der dei er – og som tør å stå i både krevjande og gode samtalar med menneske i sårbare livssituasjonar. Du trur på moglegheiter, på arbeid som ein veg vidare, og på krafta i gode relasjonar. Du har eit sterkt engasjement for NAV sitt samfunnsoppdrag, og trivst med ein kvardag som krev struktur, fleksibilitet og ekte menneskeleg kontakt.

Arbeidsoppgåver

• Saksbehandling etter lov om sosiale tenester
• Gje råd og rettleiing til brukarane våre
• Ansvar for framdrift i eiga portefølje
• Samarbeide med kollegaer om løysingar for brukarar
• Saman med resten av kontoret bidra til at vi utviklar stadig betre brukartenester og at kontoret når sine verksemdsmål

NAV er stadig i endring, og vi arbeider etter statlege og regionale føringar for vårt område. Fokuset endrar seg jamleg, og det må påreknast endring i arbeidsoppgåver i samsvar med arbeidsgjevar sin styringsrett med tanke på omorganisering av ressursar.

Kvalifikasjonar

Krav til kvalifikasjonar

• Fullført utdanning på minimum bachelorgradsnivå. Relevant erfaring som saksbehandlar kan i særlege tilfelle kompensere for utdanningskravet.
• God kompetanse i bruk av IT-verktøy – mellom anna Office 365
• Du må kunne nytte lovverket
• Gode norskkunnskapar og god kommunikasjonsevne, både skriftleg og munnleg. Dersom du har eit anna morsmål enn norsk, må du dokumentere at du har språknivå tilsvarande B2

Ønska kompetanse

• Relevant erfaring frå saksbehandling
• Erfaring med menneske som er i ulike livssituasjonar
• God forståing for hushaldsøkonomi

Personlege eigenskapar

Vi ser etter deg som: 

• er strukturert, effektiv og løysingsdyktig
• har evne til å møte den enkelte med empati og profesjonalitet
• trivst med ein kvardag som krev struktur og fleksibilitet
• har evne til å prioritere og jobbe sjølvstendig
• er uredd og har styrke til å møte brukarar i krevjande livssituasjonar
• har gode samarbeidsevner og likar å jobbe i team

Personlege eigenskaper vil bli vektlagt.

Vi tilbyr

• 100% fast kommunal stilling 
  
• Dyktige kollegaer og et trivelig og hektisk arbeidsmiljø 
• Mogleghet til å benytte ferieleilighet i Rauland 
• Lønn etter gjeldande lov og avtaleverk i stillingskode 6599 Spesialkonsulent
• Gode forsikrings- og pensjonsordninger

Kopi av vitnemål og attester lastes opp som vedlegg til søknaden

Kontaktinformasjon

Stine Skoland, Einingsleiar, +47 91616566

Arbeidsstad

Folkestadvegen 21
3800 Bø i Telemark

Nøkkelinformasjon:

Arbeidsgivar: Midt-Telemark kommune

Referansenr.: 5029812190
Stillingsprosent: 100%
Fast
Søknadsfrist: 01.12.2025